Ol Sam
Singsing ya i tokbaot Solomon.
72 God, plis yu givim fasin ya blong yu blong jajem man long king
Mo yu givim stret fasin blong yu long pikinini blong king.+
2 I gud hem i yusum stret fasin blong toktok long bihaf blong ol man blong yu,
Mo i yusum jastis blong difendem olgeta we oli no gat nem.+
3 I gud ol bigfala hil oli karem pis i kam long ol man,
Mo i gud ol hil oli karem stret fasin i kam.
4 I gud hem i difendem* olgeta we oli no gat nem, we oli stap wetem ol narafala man,
I gud hem i sevem ol boe blong ol puaman,
Mo i gud hem i smasem ol man we oli stap giaman blong stilim olting blong ol man.+
5 Bambae oli fraet* long yu oltaem, olsem we san i stap oltaem
Mo olsem we mun i stap oltaem,
Yes, long olgeta jeneresen we i kam.+
6 Bambae hem i olsem ren we i stap folfoldaon long gras we oli jes katem,
Mo olsem smosmol ren we i foldaon, i mekem graon i wetwet.+
7 Long ol dei blong hem, bambae ol stret man oli olsem gras we i gru gud,*+
Mo bambae i gat pis long evri ples,+ go kasem we mun i no moa stap.
8 Bambae ol man blong hem oli stap long evri ples,* i stat long narasaed solwota i go kasem narasaed
9 Ol man blong draeples, bambae oli bodaon long fes blong hem,
Mo ol enemi blong hem bambae oli kakae das.+
10 Ol king blong Tasis mo blong ol aelan, bambae oli pem ol takis.+
Ol king blong Seba mo blong Siba, bambae oli givim ol presen.+
11 Olgeta king bambae oli bodaon long fes blong hem,
Mo olgeta nesen bambae oli wok blong hem.
12 From bambae hem i sevem ol puaman we oli stap krae from help,
Mo olgeta we oli no gat nem, mo olgeta we i no gat helpa.
13 Bambae hem i gat sore long man we i no gat nem, mo puaman,
Mo bambae hem i sevem laef* blong man we i pua.
14 Bambae hem i tekemaot* olgeta long han blong ol man we oli mekem i strong tumas long olgeta, mo long raf fasin,
Mo blad blong olgeta bambae i sas tumas long ae blong hem.
15 I gud hem i laef longtaem, mo i gud ol man oli givim gol blong Seba long hem.+
I gud ol man oli gohed blong prea from hem,
Mo i gud ol man oli blesem hem fuldei.
16 Bambae i gat fulap garen blong sid long olgeta ples long wol,+
Bambae oli kavremap top blong ol bigfala hil gogo i kafkafsaed.
Garen blong hem bambae i karem plante frut olsem long Lebanon,+
Mo ol taon bambae oli fulap gud long ol man, olsem wol i fulap gud long gras.+
17 I gud nem blong hem i stap oltaem gogo i no save finis,+
Mo i gud nem blong hem i stap oltaem, olsem we san i stap oltaem.
I gud ol man oli kasem blesing tru long hem,+
I gud ol nesen oli talemaot se hem i hapi.
18 I gud ol man oli presem Jehova God, we i God blong Isrel,+
We hem nomo i stap mekem ol bigbigfala wok.+
Amen, Amen.
20 Hemia en blong ol prea blong Deved, boe blong Jese.+