Fas Buk Blong Kronikel
24 Ol grup blong olgeta we oli kamaot biaen long Eron, i olsem: Ol boe blong Eron, i gat Nadab, Abihu,+ Eleasara, mo Itamara.+ 2 Be Nadab mo Abihu, tufala i ded bifo long papa blong tufala,+ mo tufala i no gat boe. Be Eleasara+ mo Itamara tufala i gohed nomo blong mekem wok blong pris. 3 Nao Deved wetem Jadok+ mo Ahimelek oli seraotem olgeta ya i go long ol grup blong ol wok we bambae oli mekem. Jadok ya i kamaot biaen long Eleasara, mo Ahimelek i kamaot biaen long Itamara. 4 Nao from we i gat plante moa man we oli hed, we oli kamaot biaen long Eleasara, i bitim olgeta we oli kamaot biaen long Itamara, oli seraotem olgeta olsem: Long olgeta we oli kamaot biaen long Eleasara, i gat 16 we oli hed long haos blong papa olgeta, mo long olgeta we oli kamaot biaen long Itamara, i gat 8 we oli hed long haos blong papa blong olgeta.
5 Mo tu, oli sakem ol spesel ston+ blong seraotem olgeta we oli kamaot biaen long Eleasara mo Itamara, from we i gat olgeta we oli lida long holi ples mo olgeta we oli lida blong tru God long evri grup ya. 6 Biaen Semaea we i boe blong Netanel mo i sekretari blong ol Livaet, i raetemdaon nem blong olgeta ya long fored blong king, ol prins, pris ya Jadok,+ Ahimelek+ we i boe blong Abiata,+ mo olgeta we oli hed long haos blong ol papa blong olgeta we oli pris mo oli laen blong Livae. Oli jusumaot wan haos blong Eleasara mo wan blong Itamara.
7 Nao faswan we ol spesel ston ya oli jusumaot, hemia Jehoearib, sekenwan Jedaea, 8 namba 3 Harim, namba 4 Seorim, 9 namba 5 Malkaejah, namba 6 Miamin, 10 namba 7 Hakoj, namba 8 Abaejah,+ 11 namba 9 Jesua, namba 10 Sekania, 12 namba 11 Eliasib, namba 12 Jakim, 13 namba 13 Hupaha, namba 14 Jesebeab, 14 namba 15 Bilgaha, namba 16 Hime, 15 namba 17 Hesiri, namba 18 Hapijej, 16 namba 19 Petahia, namba 20 Jehesekel, 17 namba 21 Jakin, namba 22 Gamul, 18 namba 23 Delaea, mo namba 24 Mahasia.
19 Hemia nao oda we bambae oli folem blong mekem ol wok blong olgeta+ taem oli kam insaed long haos blong Jehova, folem plan we olfala blong olgeta Eron i putumap, stret olsem we Jehova we i God blong Isrel i bin talem long hem.
20 Mo ol narafala man long laen blong Livae we oli stap yet, i olsem: long ol boe blong Amram,+ i gat Sebuel.+ Mo long ol boe blong Sebuel, i gat Jedea. 21 Long ol boe blong Rehabia,+ i gat Jisia we i hed. 22 Long laen blong Isa, i gat Selomot.+ Mo long ol boe blong Selomot, i gat Jahat. 23 Mo long ol boe blong Hebron, i gat Jeria+ we i hed, Amaria we i seken long hem, Jahasiel we i namba 3, mo Jekameam i namba 4. 24 Long ol boe blong Usiel, i gat Maeka. Mo long ol boe blong Maeka, i gat Samiri. 25 Brata blong Maeka hemia Isaea. Mo long ol boe blong Isaea, i gat Sekaraea.
26 Ol boe blong Merari,+ i gat Mali mo Musi. Long ol boe blong Jahasia, i gat Beno. 27 Ol boe blong Merari i olsem: long ol boe blong Jahasia, i gat Beno, Soham, Sakuru, mo Ibri. 28 Long ol boe blong Mali, i gat Eleasara we i no gat ol boe blong hem.+ 29 Long ol boe blong Kis, i gat Jeramehel. 30 Mo ol boe blong Musi, i gat Mali, Eda, mo Jerimot.
Hemia nao ol boe blong Livae folem haos blong papa blong olgeta. 31 Mo tu oli sakem ol spesel ston+ stret olsem we ol brata blong olgeta, ol boe blong Eron, oli mekem long fored blong king Deved, Jadok, Ahimelek, wetem olgeta we oli hed long haos blong ol papa blong olgeta we oli pris mo oli Livaet. Long saed blong haos blong papa blong olgeta, oli tritim ol olfala sem mak olsem we oli mekem long ol yangfala brata blong olgeta.