Ol Sam

Wan Singsing Blong Go Antap. Singsing blong Deved.

122 Mi mi glad tumas taem oli talem long mi se:

“Yumi go long haos blong Jehova.”+

2 Mo naoia, mifala i stap stanap

Insaed long ol get blong yu, O Jerusalem.+

3 Oli bildim Jerusalem olsem wan taon

We oli joenem olgeta i kam wan nomo.+

4 Ol traeb ya oli go antap long hem finis,

Hemia ol traeb blong Jah.*

Yes, oli folem tok we God i talem long Isrel,

Blong oli go talem tangkiu blong presem nem blong Jehova.+

5 From oli putumap ol tron* blong jajmen long ples ya,+

Hemia ol tron blong famle blong Deved.+

6 Yufala i mas askem blong i gat pis long Jerusalem.+

O taon, olgeta we oli lavem yu, bambae oli sefgud.

7 I gud pis i gohed blong stap insaed long ples blong yu we hip blong graon* i raonem gud,

I gud olgeta samting insaed long ol strong taoa blong yu, oli sefgud.

8 From ol brata ya blong mi mo ol fren blong mi, bambae mi talem se:

“I gud i gat pis insaed long yu.”

9 From haos ya blong Jehova God blong yumi,+

Bambae mi traehad blong mekem i gud long yu.