Ol Sam
Singsing blong Deved.
110 Jehova i talem long Masta blong mi se:
“Yu sidaon long raetsaed* blong mi+
Gogo kasem we mi putum ol enemi blong yu olsem wan stul blong leg blong yu.”+
2 Jehova bambae i pusum septa* blong paoa blong yu long Saeon, i goaot i se:
“Yu go long ol enemi blong yu, yu mekem oli stap aninit long yu.”+
3 Ol man blong yu bambae oli glad nomo blong kam joen long dei we ol ami blong yu oli go faet.*
Yu yu gat kampani blong ol yang man we oli olsem ol wota blong naet long eli moning,
Yes oli tabu mo oli naes tumas.
4 Jehova i mekem wan strong promes finis, mo bambae hem i no jenisim tingting blong hem,* hem i se:
“!Yu yu wan pris olwe+
Sem mak olsem Melkisedek!”+
5 Jehova bambae i stap long raetsaed* blong yu.+
Bambae hem i smasem ol king long dei blong kros blong hem.+
6 Bambae hem i mekem jajmen blong hem agensem ol nesen.+
Bambae hem i mekem se graon i fulap long ol dedbodi.+
Bambae hem i smasem lida* blong wan bigfala kantri.*
7 Bambae hem* i dring long wota we i stap ron klosap long rod.
Taswe, bambae hem i leftemap hed blong hem i stap antap oltaem.