Proveb
28 Man nogud i ronwe nating se i no gat man i ronem hem,
2 Taem i gat kruked fasin long wan ples,* ol prins long ples ya bambae oli jenis oltaem nomo,+
Be wan prins* i save stap longtaem, sipos wan man we i gat fasin luksave mo i gat save i givhan long hem.+
3 Wan puaman we i stap tekemaot olting blong ol man we oli no gat nem,+
Hem i olsem bigfala ren we i wasemaot olgeta kakae long garen.
4 Olgeta we oli no moa folem loa, oli stap sapotem ol man nogud,
Be olgeta we oli stap folem ol loa, oli agensem ol man nogud.+
5 Ol rabis man, oli no kasemsave jastis nating,
Be olgeta we oli stap lukaotem Jehova, oli save kasemsave evri samting.+
6 Man we i pua be i stap wokbaot folem fasin blong hem we i tru, hem i gud moa
I bitim wan rijman we ol fasin blong hem oli no stret nating.+
7 Wan boe we i kasemsave samting, hem i stap folem gud loa,
Be fren blong wan man we i laekem blong kakae, hem i stap mekem papa blong hem i sem.+
8 Man we i mekem narafala i pem intres mo i askem bigfala intres long man we i kaon long hem,+ blong mekem hem i kam rij moa,
Ol samting we hem i stap hivimap, bambae oli blong ol man we oli soemaot se oli kaen long ol puaman.+
9 Man we i no wantem lesin long loa
Ol prea blong hem tu, oli rabis olgeta.+
10 Man we i stap trikim ol stret man, i lidim olgeta long rod we i no stret, bambae hem i foldaon insaed long hol ya we hem nomo i digim,+
Be man we i no gat fol, bambae hem i kasem ol gudfala samting.+
11 Wan rijman, oltaem hem i ting se hem i waes,+
Be wan puaman we i gat fasin luksave, hem i save gud laef blong man ya.+
12 Taem ol stret man oli win, ol man oli givim bigfala glori long hem,
Be taem wan man nogud i kasem paoa i rul, ol man oli stap go haed.+
13 Man we i stap haedem ol sin blong hem, bambae hem i no win,+
Be man we i talemaot ol sin blong hem, mo i lego olgeta, bambae ol narafala oli sore long hem.+
14 Man we oltaem i stap lukaot gud,* hem i glad,
Be man we i no wantem jenisim tingting blong hem, bambae hem i foldaon long trabol.+
15 Wan man nogud we i stap rul antap long ol man we oli no gat paoa,
Hem i olsem wan laeon we i kros i stap mekem noes, mo i olsem wan bea we i stap ronem man.+
16 Wan lida we i no gat fasin luksave, hem i stap yusum paoa blong hem long fasin we i no stret,+
Be man we i no laekem nating fasin blong kasem samting long rod we i no stret, bambae laef blong hem i longfala.+
17 Man we i gat fol from blad blong man* we hem i kilim i ded, bambae hem i stap ronwe gogo kasem we hem i go long gref.*+
I no mas gat wan man i givhan long hem.
18 Man we i stap wokbaot long rod we i stret, bambae hem i sef,+
Be man we i stap mekem ol kruked fasin, wantaem nomo bambae hem i foldaon.+
19 Man we i stap wokem garen blong hem, bambae hem i gat plante kakae,
Be man we i stap ronem ol samting blong westem taem nomo, bambae hem i kam pua we i pua.+
20 Man we i mekem gud wok blong hem, bambae hem i kasem plante blesing,+
Be man we i kwik blong kam rij, bambae oli faenemaot yet se hem i rong.+
21 I no stret we man i mekem i gud long samfala nomo.+
Be wan man, maet i save mekem wan rong jes blong kasem wan smol pis bred nomo.
22 Wan man we i wantem plante samting tumas,* hem i stap traehad blong kasem ol sas samting,
Be hem i no save se i no longtaem bambae hem i kam pua.
24 Man we i stap stilim ol samting blong papa mo mama blong hem, nao i talem se: “Hemia i no rong,”+
Hem i fren blong man we i stap spolem evri samting.+
25 Man we i griri,* hem i stap statem trabol,
Be man we i dipen long Jehova, bambae hem i gat plante samting.*+
26 Man we i trastem hat blong hem wan, hem i stupid,+
Be man we i stap wokbaot folem waes, bambae i ronwe long trabol.+
27 Man we i stap givim samting long ol puaman, bambae hem i no sot long wan samting,+
Be man we i satem ae long ol puaman, bambae ol man oli singaot plante trabol i kam long hem.
28 Taem man nogud i kasem paoa blong rul, ol man oli go haed,
Be taem hem i lus, ol stret man oli kam plante.+