Ol Sam
136 Yufala i talem tangkiu long Jehova, from hem i gud.+
Fasin blong hem blong lavem man oltaem i stap olwe.+
2 Yumi talem tangkiu long God blong ol god,+
From fasin blong hem blong lavem man oltaem i stap olwe.
3 Yumi talem tangkiu long Masta blong ol masta,
From fasin blong hem blong lavem man oltaem i stap olwe.
4 Hem nomo i mekem ol samting blong sapraes,+
From fasin blong hem blong lavem man oltaem i stap olwe.+
5 Hem i mekem heven long fasin we i nambawan* tumas,+
From fasin blong hem blong lavem man oltaem i stap olwe.
6 Hem i putum graon antap long ol wota,+
From fasin blong hem blong lavem man oltaem i stap olwe.
7 Hem i mekem ol bigfala laet+ long skae,
From fasin blong hem blong lavem man oltaem i stap olwe,
8 I mekem san blong i rul long dei,+
From fasin blong hem blong lavem man oltaem i stap olwe,
9 Mo mun mo ol sta blong oli rul long naet,+
From fasin blong hem blong lavem man oltaem i stap olwe.
10 Hem i kilim i ded fasbon blong Ijip,+
From fasin blong hem blong lavem man oltaem i stap olwe.
11 Hem i tekemaot Isrel long medel blong ol man Ijip,+
From fasin blong hem blong lavem man oltaem i stap olwe,
12 Hem i yusum wan strong han+ mo wan han we hem i pusum i kam,
From fasin blong hem blong lavem man oltaem i stap olwe.
14 Hem i mekem ol man Isrel oli wokbaot long medel i gokros,+
From fasin blong hem blong lavem man oltaem i stap olwe.
15 Hem i sakem Fero mo ol soldia blong hem insaed long Red Si,+
From fasin blong hem blong lavem man oltaem i stap olwe.
16 Hem i lidim ol man blong hem oli wokbaot krosem draeples,+
From fasin blong hem blong lavem man oltaem i stap olwe.
17 Hem i kilim i ded ol strong king,+
From fasin blong hem blong lavem man oltaem i stap olwe.
18 Hem i kilim ol king we oli gat bigfala paoa,
From fasin blong hem blong lavem man oltaem i stap olwe,
19 Hem i kilim Sihon,+ king blong ol man Amoro,
From fasin blong hem blong lavem man oltaem i stap olwe.
20 Mo i kilim Og,+ king blong Basan,
From fasin blong hem blong lavem man oltaem i stap olwe.
21 Hem i tekem graon blong olgeta, i givim long narafala,+
From fasin blong hem blong lavem man oltaem i stap olwe,
22 Yes, hem i givim long Isrel, man blong wok blong hem,
From fasin blong hem blong lavem man oltaem i stap olwe.
23 Taem yumi no moa gat paoa, hem i tingbaot yumi,+
From fasin blong hem blong lavem man oltaem i stap olwe.+
24 Hem i gohed blong tekemaot yumi long ol enemi blong yumi,+
From fasin blong hem blong lavem man oltaem i stap olwe.
25 Hem i stap givim kakae long olgeta samting we oli gat laef,+
From fasin blong hem blong lavem man oltaem i stap olwe.
26 Yumi talem tangkiu long God blong heven,
From fasin blong hem blong lavem man oltaem i stap olwe.