Ol Sam
Singsing blong Deved.
141 O Jehova, mi mi singaot i kam long yu.+
Yu kam hariap, yu halpem mi.+
Yu lesin gud taem mi singaot i kam long yu.+
2 I gud prea blong mi i olsem insens+ we man i rerem gud long fored blong yu,+
Mo taem mi leftemap han blong mi i kam long yu, i gud yu glad long hem olsem sid ofring we man i givim long yu long sapa.+
3 O Jehova, plis yu putum wan man blong i gad long maot blong mi,
Yu putum wan man blong i lukaot long doa blong maot blong mi.+
4 Yu no letem hat blong mi i wantem ol samting nogud,+
Nao mi go joen wetem ol man nogud blong mekem ol rabis fasin,
I gud mi neva kakae ol gudfala kakae blong olgeta.
5 Sipos wan stret man i wipim mi, hemia i soemaot se hem i lavem mi oltaem,+
Sipos hem i tok strong long mi, hemia i olsem oel long hed blong mi,+
Bambae mi neva blokem man blong i kafsaedem oel olsem long hed blong mi.+
Mo tu bambae mi gohed blong prea taem oli stap long trabol.
6 Nating se ol man oli sakem ol jaj blong olgeta oli godaon long klif,
Be ol man bambae oli lesin gud long ol tok blong mi, from oli gud tumas.
7 Ol bun blong mifala oli folfoldaon olbaot antap long Gref,*
Olsem taem man i pulum plao nao i brebrekem ol graon i kam antap.
8 Be ae blong mi i stap lukluk i kam long yu, O Hae Masta Jehova.+
Mi mi kam long yu nomo blong haed.
Yu no tekemaot laef blong mi.*
9 Plis yu protektem mi blong mi no foldaon long ol trap we oli openem i stap blong kasem mi,
Yes long ol trap blong ol man nogud.
10 Ol man nogud bambae oli foldaon i go insaed long ol trap blong olgeta bakegen,+
Be mi mi kam pas i go we mi sefgud nomo.