“I Tru Tumas Se Yufala i Keagud Long Olgeta Man”
Hemia nao tok we wan man Kalifonia, long Amerika i talem, we hem i harem gud tumas blong ridim ol buk blong Watch Tower Sosaeti. Hem i raetem wan leta blong tokbaot buk ya Man We i Hae Moa Long Olgeta Man, se:
“Naoia i namba tu taem we mi stap ridim olgeta haf blong buk ya, mo hem i naes tumas blong ridim. I no ol nambawan tok blong buk ya nomo be ol kala blong ol pija we i mekem store i laef. Ol wanwan pija ya oli mekem mi harem olsem se mi stap long taem blong Jisas.
“Eksampel, man we devel i fulap long hem long pija long japta 45 i luk olsem we hem i wan wael man mo hem i denja tumas. Be yu luk Jisas i stap wokbaot i kam soa we i no fraet mo i ronemaot ol rabis speret ya . . .
“Ol pija blong ol lida blong ol man Jyu we oli kros tumas i soemaot nambawan wok blong man blong mekem pija. Oli soemaot olsem wanem wan man we i no save lego ol rabis rod blong hem i kros taem hem i mas lukluk Jisas we i stap fored blong hem. Mi save talem plante, plante moa samting. . . . I tru se yufala i keagud long olgeta man . . .
“Mi no wan long ol Wetnes blong Jeova be mi laekem blong stap kasem ol Wajtaoa mo !Wekap! Mi wet oltaem long ol wanwan kopi, mo taem oli kam, hem i nambawan samting long mi we mi stap kasem long postofis. !‘!Wekap!’ blong Jun 22 i nambawan tumas! ‘Tijim Pikinini Long Wan Wol We i Gat Plante Rabis Fasin’ i wan samting we i stret moa long taem blong yumi. . . .
“Mi gat 35 yia mo mi jes kasem save se wol ya i stap fesem ol bigfala trabol. Mi glad we yufala i stap talemaot trutok long saed blong olfala wol mo wanem tingting blong God long hem.”
Ol Wetnes blong Jeova oli wan bigfala ogenaesesen blong bitim fo milyan man blong stadi long Baebol we oli givim laef blong olgeta blong givhan long olgeta man blong save moa long plan blong God. Sipos yu wantem kasem moa save no gat wan fri Baebol stadi long haos blong yu, plis raet long Association “Les Témoins de Jéhovah,” B.P. 787 Nouméa, Nouvelle-Calédonie.