Wan Tes Blong Skul i Stanap Long Wekap! Magasin

LONG Julae 1993, sam studen long kantri blong Surinam long Saot Amerika, oli bin mekem wan tes blong pas i go long haeskul. Taem oli openem buklet blong tes ya, oli luksave se olgeta we oli stap ridim ol Wekap! magasin, oli gat moa jans blong winim tes ya. Hemia from we kolosap stret haf blong olgeta kwestin long buklet ya we i gat 36 pej blong hem, we Ofis Blong Ol Tes Long Ministri Blong Edukesen i bin mekemrere, oli stanap long tu haf blong Wekap!

Pej 1 kasem 9 i tokbaot haf ya, “Ol Haos Kapa Long Ples Blong Ol Puaman—Hadtaem Long Ol Bigfala Taon,” we i kamaot long Wekap! blong Oktoba 8, 1992 (Engglis mo Franis). I bin gat 21 kwestin blong traem ol studen long fasin blong olgeta blong kasem save long ol haf ya. Pej 10 kasem 16 blong buklet ya i gat 14 kwestin long haf ya, “Kapibara—?Wan Mastik No Wan Nambawan Samting We God i Wokem?,” we i stap long Wekap! blong Septemba 22, 1992 (Engglis mo Franis).

Wan hedmasta blong wes saed blong Surinam, i talem se: “Taem kaonsel blong ol skul oli yusum ol magasin ya blong traem fasin blong ol studen long kantri ya blong kasem save long ol store ya, oli soem se oli luk Wekap! magasin olsem wan buk we i givim gudfala eksampel long stret rod blong wokem ol sentens mo raetem ol gudfala store.”

Sipos yu yu wantem kasem wan Wekap! magasin no yu wantem wan man blong kam luk yu long haos blong yu blong storeyan moa, plis raet long Association “Les Témoins de Jéhovah,” B.P. 787, Nouméa, Nouvelle-Calédonie.