Wan Impoten Tul Blong Edukesen

Wan memba blong palemen long kantri blong Sri Lanka, i raetem wan leta i go long “Man we i Raetem ‘Wekap!’” Leta blong hem i talem olsem se:

“Dia Masta,

“Mi mas talemaot se nating we buk ya Wekap! hem i smol nomo, be hem i rili impoten mo stretgud long taem blong yumi. Olgeta wanwan haf blong hem oli halpem ol yangfala tede blong luksave klia wanem samting i gud mo wanem samting i nogud.

“Mi mi ridim olgeta haf blong Wekap! Tingting blong mi se olgeta tija blong skul, olgeta studen, mo olgeta papa mama oli mas ridim smol buk ya.

“Mi rili laekem nambawan wok we yu stap mekem. Mi hop se yu gohed blong kasem gudfala frut long ol traehad blong yu.”

Kolosap 16 milyan blong olgeta Wekap! oli kamaot long 78 lanwis. Plante man long olgeta ples blong wol, oli luksave se buk ya i wan impoten tul long saed blong edukesen. Yu tu yu save kasem plante gudfala samting taem yu ridim buk ya. Sipos yu wantem ridim wan buk olsem, no sipos yu wantem wan Baebol stadi we yu no pem, plis raet i go long Association “Les Témoins de Jéhovah, B.P. 787, Nouméa, Nouvelle-Calédonie.