?Olgeta Skul Oli Lidim Ol Man Oli Go Long God?

Plante milyan man oli bilif se olgeta skul oli olsem ol defren rod, we oli lidim ol man oli go long sem ples nomo. I tru se, ol tijing, ol kastom, mo ol god blong ol skul oli kolosap sem mak. Wan eksampel, traem luk aedol ya, we i pija blong wan man long kastom store blong ol man Hindu. Oli wokem aedol ya long ol yia 700 K.T.,a long Kerala, India.

Yumi save makem se plante skul blong bifo oli wosipim ol buluk. Eksampel, Diodorus Sisulus, wan man Gris we i raetem histri long faswan handred yia B.K.T., i talem se Molek tu, we hem i wan god blong ol man Amon, i gat bodi olsem man, be hed blong hem i olsem buluk.

?From wanem i gat sam bigfala poen we oli sem mak nomo, insaed long plante defren skul raonabaot long wol? ?Ol skul ya oli stat long sem ples? ?Ol skul ya oli jes ol defren rod we oli lidim ol man oli go long sem ples? ?God i agri long olgeta skul evriwan?

Buk ya, Mankind’s Search for God, i ansa long ol kwestin ya, mo i storeyan long nambawan fasin long saed blong stat blong ol bigfala skul blong wol, mo olsem wanem oli gru. Sipos yu wantem kasem buk ya, no yu wantem wan man i kam luk yu blong tokbaot ol samting we Baebol i talem long kwestin ya, plis raet long Association “Les Témoins de Jéhovah,” B.P. 1741, 98810 Mont Dore, Nouvelle-Calédonie.

[Futnot]