“Mi Gat Bigfala Respek Long Yufala Evriwan”

HEMIA tok blong wan strong Katolik long Ferhop, Alabama, Amerika, long saed blong ol buk blong ol Witnes blong Jeova, mo ol man we oli karem ol buk ya oli kam long hem.

Hem i se: “Ol save long Wajtaoa mo Wekap! i nambawan mo fasin blong raetem ol stori ya tu. Mi mi glad taem yufala i karem tufala magasin ya oli kam long mi. Mi mi stap ridim tufala evriwan.

“Yufala i gat kaen mo gud fasin, mo mi haremgud blong luk ol man we oli glad blong mekem wok blong God (Jeova). Las taem, tu yangfala oli kam long haos blong mi, tufala i talem nem blong tufala mo soem ol magasin long mi. Mi mi talem tangkiu long tufala, mi glad tumas blong luk ol yangfala we oli stap mekem wan gudfala wok i bitim we oli mekem trabol.

“Mi mi strong long skul Katolik . . . be mi mi tinghae long wok we skul blong yufala mo ol man blong hem oli stap mekem. Mi save talem wetem fulhat blong mi, se mi laekem tumas ol magasin blong yufala, mo mi tinghae long ol gudfala man blong yufala we oli glad oltaem. . . . Mi mi gat bigfala respek long yufala evriwan. Gohed long gudfala wok ya.”

Ol Witnes blong Jeova oli wokem ol buk we oli tokbaot sam spesel save tu. Wan hemia, ?Wanem Samting We God i Wantem Yumi Blong Mekem? we i gat 32 pej blong hem. Long ol 16 haf blong hem, hem i makemaot ol stamba tijing blong Baebol, mo wanem we Baebol i talem se yumi mas mekem blong God i glad long yumi. Sipos yu yu wantem wan buk olsem we yu no pem, fulumap smol pepa ya mo sanem i kam long adres long pej 5 we i stret long ples blong yu.

□ Plis sanem buk ya long mi ?Wanem Samting We God i Wantem Yumi Blong Mekem?

□ Plis, mi mi wantem se wan man i kam luk mi blong mekem Baebol stadi wetem mi we mi no pem.