Bilif i Hafhaf Be Hem i Stap Lukaot Yet

WAN man we i talem se hem i baptaes finis long skul Katolik, i raet i kam long ofis blong ol Witnes blong Jeova long Slovenia. Hem i se: “Plis sanem buk ya long mi we nem blong hem ?Wanem Samting We God i Wantem Yumi Blong Mekem? Mo tu, mi wantem save olsem wanem mi mas mekem blong kasem Wekap! oltaem long haos blong mi.”

Hem i gohed se: “Plis, traem kasem save long tingting blong mi. Bilif blong mi i hafhaf nomo long saed blong skul. Nating se i olsem, mi mi sek taem mi ridim Wekap! from we hem i no tokflas nating. Hem i eksplenem ol samting long fasin we i klia mo i tijim man.” Nao hem i talem se wan niuspepa we wan skul i wokem, i fosem ol man blong bilif olsem olgeta.

Man ya i talem tu, from wanem hem i raetem wan leta i bitim we hem i fulumap las pej blong Wekap! mo sanem i kam blong askem buk ya Wanem. Hem i se: “Mi mi no wantem brekemaot las pej blong Wekap! mo spolem buk ya. !Mi mi wantem se hem i stap gud!”

Buk ya ?Wanem Samting We God i Wantem Yumi Blong Mekem? i gat 32 pej mo 16 stadi insaed long hem. Hem i tokbaot ol stamba tijing blong Baebol, mo i givim save blong soem long yumi wanem we yumi mas mekem blong God i glad long yumi. Sipos yu tu yu wantem wan buk olsem, fulumap smol bokis daon mo sanem i kam long adres long pej 5 we i stret long ples blong yu.

□ Sanem i kam long mi buklet ya ?Wanem Samting We God i Wantem Yumi Blong Mekem?

□ Plis, kam luk mi blong mekem wan fri Baebol stadi.

[Tok blong pija long pej 32]

113 milian kopi long 240 lanwis