Wan Taem We i Impoten Tumas Long Histri Blong Ol Man

Hemia taem we Jisas Kraes i ded. ?From wanem ded blong Jisas i impoten tumas? I gat plante defren risen.

Fasin blong Jisas blong stap tru gogo kasem we hem i ded i pruvum se man i save stap tru long God.

Ded blong Jisas i givim janis long sam man blong oli rul wetem hem olsem king long heven. Be tu, ded blong hem i openem rod blong plante moa man oli kasem laef blong olwe long wan paradaes wol.

Long naet bifo we Jisas i ded, hem i yusum bred we i no gat is long hem mo red waen, olsem pija blong bodi mo blad blong hem we bambae hem i givim olsem wan sakrefaes, from lav blong hem. Mo hem i talem long ol disaepol blong hem se: “Oltaem yufala i mas mekem ol samting ya blong tingbaot mi bakegen.” (Luk 22:19) ?Bambae yu yu tingbaot impoten taem ya bakegen?

Ol Witnes blong Jeova oli glad blong singaot yu blong joen wetem olgeta blong mekem Memoriol blong tingbaot ded blong Jisas. Long yia ya, Memoriol bambae i stap long Wenesde, Eprel 12, afta we san i godaon. Yu save kam long Haos Kingdom klosap long ples blong yu. Plis, askem ol Witnes blong Jeova long eria blong yu blong save stret taem mo ples blong Memoriol ya.