“Spirit Blong God i Lidim Yumi”
Distrik Asembli Blong Ol Witnes Blong Jeova
◼ OL DISTRIK asembli blong yia ya, oli statem finis long Yunaeted Stet long wiken blong Mei 23-25, mo long ol manis we i kam bambae oli holem moa distrik asembli olsem long plante taosen ples long wol. !Long yia 2007, i gat bitim 12 milian man we oli bin kam long 3,200 defdefren distrik asembli ya!
Long plante ples long yia ya, program blong trifala dei ya bambae i stat wetem miusik long 9:20 long moning. Stamba tok blong Fraede i stanap long Jon 16:13 we i talem se: “Spirit Ya . . . Bambae i Save Tijim Yufala Long Olgeta Tok We i Tru.” Sam long ol faswan tok blong Fraede moning hemia “?From Wanem Yumi Mas Letem Spirit Blong God i Lidim Yumi?” mo “Wok Blong Tabu Spirit Long Ol Samting We God i Wokem.” Tok we i gat tri haf blong hem, we stamba tok blong hem se “Ol Man Blong God Blong Bifo—Spirit Blong God i Lidim Olgeta,” bambae i tokbaot “Long Taem Blong Moses,” “Long Taem Blong Ol Jaj,” mo “Long Faswan Handred Yia.” Mo bambae i gat wan tok we i finisim program blong moning we Stamba Tok blong hem: “Tabu Spirit i Gat Wok Blong Mekem Stamba Tingting Blong Jeova i Kamtru.”
Faswan tok blong Fraede aftenun hemia “Ansa Long Ol Kwestin Long Saed Blong Tabu Spirit,” mo biaen long hem bambae i gat ol narafala tok ya se ‘Spirit Blong God i Save Lukaot . . . Ol Tingting Blong God We Man i No Save Faenemaot,’ mo ‘Yufala i Mas Lesin Long Tok Blong God Mo Mekem Wanem We Hem i Talem.’ Tok ya “Ol Yangfala—!Letem Tabu Spirit i Lidim Yufala!” i gat sikis haf blong hem we i tokbaot ol yangfala “Long Skul,” “Long Ples Blong Wok,” “Insaed Long Famle,” “Insaed Long Kongregesen,” “Taem Yufala i Joen Wetem Narafala,” mo “Taem Yu Stap Yu Wan.” Bambae program blong dei ya i finis wetem wan tok we i talem se, “Ol Yangfala—!Lukaot Long Fasin Fren Blong Yu Wetem Jeova!” Tok ya bambe i givhan long ol yangfala blong lukaot gud long fasin fren blong olgeta wetem Jeova.
Stamba tok blong Sarede i stanap long Galesia 6:8 we i talem se: “Planem Fasin We Tabu Spirit i Wantem.” Long program blong moning bambae i gat wan tok we i gat tri haf blong hem we i talem se: “Spirit Blong God i Lidim Yumi Long Wok Blong Prij.” Program blong moning bambae i finis wetem tok blong baptaes, mo afta long tok ya bambae i gat baptaes.
Faswan tok blong Sarede aftenun hemia, “Ol Man We Oli Raetem Baebol—Tabu Spirit i Givim Tok Long Olgeta.” Biaen bambae i gat wan tok we i gat faef haf blong hem, “Tabu Spirit i Givim Paoa” “Blong Faet Agensem Ol Traem,” “Blong Gohed Nating Se Yumi Taed Mo Tingting i Foldaon,” “Blong Stanap Strong Taem Ol Man Oli mekem i Nogud Long Yumi,” “Blong Blokem Ol Nogud Fren We Oli Save Spolem Yumi,” mo “Blong Stanap Strong Long Taem Blong Trabol.” Program blong Sarede bambae i finis wetem wan narafala tok ya ‘Stap Long Laef Ya We Oltaem God i Lavem Yu.’
Stamba tok blong Sande i stanap long Galesia 5:16 (NW) we i talem se: “Gohed Blong Wokbaot Wetem Tabu Spirit.” Bambae i gat wan tok we i gat naen haf blong hem hemia “Wokem ‘Frut Blong Spirit’” we bambae i tokbaot wanwan frut blong spirit we i stap long Galesia 5:22, 23. Mo program blong moning bambae i finis wetem Pablik Tok ya “Kasem Blesing From King We Spirit Blong Jeova i Lidim Hem.” Long aftenun bambae i gat drama we stamba tok blong hem, “Yufala i No Mas Lego ‘Lav We Yufala i Gat Fastaem.’” Hem i tokbaot fasin mo laef blong ol Kristin long faswan handred yia. Tok we i finisim distrik asembli ya blong yumi, stamba tok blong hem se, “Gohed Blong Wok Wetem Ogenaesesen We Spirit Blong Jeova i Lidim.”
Mekem plan naoia blong kam. Blong save ples we asembli bambae i stap long hem we i moa klosap long yu, askem ol Witnes blong Jeova long Haos Kingdom long ples blong yu, no raet i kam long olgeta we oli wokem buk ya. Mo tu, long Wajtaoa blong Eprel 1, yu save faenem adres blong ol asembli we bambae oli mekem long Vanuatu.