“!Stap Klosap Long Jeova Oltaem!”
Distrik Asembli Blong Ol Witnes Blong Jeova
● Asembli ya we i blong tri dei, bambae i kamaot long plante taosen ples long wol. Faswan, hemia long Yunaeted Stet, long wiken blong Mei 21-23. Mo long ol manis we oli kam biaen, program ya bambae i gohed long ol narafala ples long wol. Long Yunaeted Stet, miusik bambae i stat evri dei long twanti pas naen long moning. Stamba tok blong Fraede i stanap long vas blong Ol Sam 73:28, i se “Taem We Mi Mi Kam Stap Klosap Long Yu (God), Mi Harem Se i Gud Tumas Long Mi.” Afta long tok blong jeaman, bambae i gat tufala tok ya se, “Ol Distrik Asembli Oli Givhan Long Yumi Blong Stap Klosap Long Jeova Oltaem” mo “Mi Mi Soemaot Hem Long Olgeta.” Ale nekis tok, “Yumi Mas Folem Fasin Blong Olgeta We Oli Stap Klosap Long Jeova Oltaem” i gat fo haf long hem we oli tokbaot eksampol blong Ebraham, Rut, Hesekia, mo Meri. Program blong moning bambae i finis wetem stamba tok blong asembli ya we i se, “?Wanem Ol Samting We Jeova i Mekem Blong Kam Klosap Long Yumi?”
Faswan haf long Fraede aftenun hemia “Ansa Blong Ol Kwestin Long Saed Blong Jeova.” Biaen i gat tufala tok ya, “Taem Jeova i Stretem Yu, Yu Mas Letem Hem i Jenisim Fasin Blong Yu” mo “Yu Neva Mas Talem Se Jeova ‘i Stap Spolem Yu.’” Stamba blong nekis tok i se, “Fasin Blong Toktok Tugeta i Givhan Long Ol Famle Blong Stap Klosap Long Jeova Oltaem.” Tok ya i gat faef haf blong hem. Stamba tok blong ol haf ya se: “Jeova i Gat Nambawan Fasin Blong Toktok Wetem Narafala,” “!Ol Man, Yufala i Mas Toktok Wetem Woman Blong Yufala!,” “!Ol Woman, Yufala i Mas Toktok Wetem Man Blong Yufala!,” “!Ol Papa Mama, Yufala i Mas Toktok Wetem Ol Pikinini Blong Yufala!,” mo “!Ol Pikinini, Yufala i Mas Toktok Wetem Papa Mama Blong Yufala!” Laswan tok blong aftenun hemia, “!Ol Samting Raonabaot Long Yumi Oli Soemaot ‘God Ya We i Laef’!”
Stamba tok blong Sarede i stanap long vas blong Ol Proveb 3:32, i se, “Hem i Trastem Ol Stret Man, Mo i Stap Talemaot Tingting Blong Hem Long Olgeta.” Tok ya, “Givhan Long Ol Man Blong Oli ‘Kam Fren Blong God’” i gat faef haf long hem we bambae oli tokbaot, “Oli Stap Longwe Long God Mo Oli No Save Putum Tingting Blong Olgeta Long Ol Promes Blong Hem,” “Jisas i Askem Kwestin,” “Yumi Mas Givgivhan Long Yumi Long Wok Blong Prij,” “Gudfala Fasin Blong Yu i Save Pulum Man i Kam Long Trutok,” mo “Yu Mas Mekem Tingting Blong Yu i Strong Blong Gohed.” Afta, bambae i gat tok ya “Fasin Fren Blong Yu Wetem Jeova i Kam Strong Moa Taem Yu Mekem Wok Blong Hem Fultaem” mo “I No Gat Wan Samting We i Save Mekem Ol Man We Oli Lavem Jeova Oli Foldaon.” Biaen long tufala tok ya bambae program blong moning i finis wetem tok blong baptaes. Afta long hemia samfala bambae oli baptaes.
Long Sarede aftenun bambae i gat wan tok se, “Yu No Mas Letem Wan Samting i Pulum Yu Yu Gowe Long Jeova.” Tok ya i gat eit haf blong hem: “Setan i Yusum Ol Trik We Oli Haed,” “Flas Tingting,” “Mane,” “Helt,” “Wok,” “Ol Pleplei,” “Famle,” mo “Teknoloji.” Biaen bambae i gat wan drama we yumi lesin long hem nomo. Stamba tok blong hem se, “!Tingting Blong Yu i No Mas Foldaon Taem Jeova i Stretem Yu!” Laswan tok long Sarede hemia, “Yu Mas Stap Klosap Long Jeova Olsem Jeremaea i Mekem.”
Stamba tok blong Sande i stanap long vas blong Josua 23:8, se “Tingting Blong Yufala i Mas Strong Long Hae God.” Long moning, afta long singsing mo prea, bambae i gat tok ya se, “Yumi Mas Luksave Ol Fasin Blong Jeova We Oli Pulum Yumi Blong Laekem Hem.” Tok ya i gat eit haf blong hem, we bambae oli tokbaot ol fasin ya: “Hem i Glad Taem Yumi Wantem Toktok Wetem Hem,” “Hem i Kasem Save Long Filing Blong Yumi,” “Hem i Tinghae Long Samting We Yumi Mekem,” “Hem i Glad Blong Givim Samting,” “Hem i Mekem i Sem Mak Long Olgeta Man,” “Hem i Fogivim Yumi,” “Hem i No Mekem i Strong Tumas,” mo “Hem i Stap Tru.” Biaen i gat wan pablik tok we i se, “?Olsem Wanem Yu Save Kam Klosap Long God?” Program blong moning bambae i finis wetem wan sot Wajtaoa stadi we ol Witnes blong Jeova oli stap mekem evri wik.
Wan spesel haf blong program long Sande aftenun hemia wan drama. Olgeta we oli plei long drama ya bambae oli jenis long ol klos blong bifo. Drama ya i tokbaot taem ya we ol Kristin long faswan handred yia oli ronwe long Jerusalem. Stamba tok blong hem hemia, “Wokbaot Folem Bilif, i No Folem Ol Samting We Yumi Luk.” Afta long drama, bambae asembli i finis wetem tok ya, “Yu Mas Stap Oltaem ‘Long Ples Haed Blong Hae God.’”
I gud yu mekemrere rod blong yu naoia blong yu save kam long asembli ya. Blong faenemaot ples blong asembli we i stap klosap long yu, yu save askem long ol Witnes blong Jeova long Haos Kingdom long ples blong yu, no yu save raet i kam long olgeta we oli wokem buk ya. Lis blong ol asembli long Saot Pasifik i stap long narafala magasin ya, Wajtaoa, Eprel 1, 2010.