Fastok Blong Haf 14

Ol fas Kristin oli talemaot gud nius long olgeta ples long wol. Jisas i talem long olgeta weples oli mas prij mo hem i mekem wan merikel, blong oli save tijim ol man long prapa lanwis blong olgeta. Jehova i mekem se oli no fraet, mo i givim paoa long olgeta blong oli stanap strong taem ol man oli agensem olgeta.

Long wan vison we Jisas i soemaot long aposol Jon, hem i luk bigfala laet we i saenaot long Jehova. Long wan narafala vison, Jon i luk we Kingdom long heven i winim Setan mo i finisim rul blong hem blong olwe. Jon i luk Jisas we i stap rul olsem King wetem ol 144,000 we oli rul wetem hem. Mo tu, Jon i luk we fulwol i kam wan paradaes, olgeta man oli wosipim Jehova, oli gat pis, mo oli joen gud.