“I Gud Yumi Ridim Moa Bifo We Yumi Jikim”

HEMIA nao tok we wan man Nyu Selan i talem long saed blong Wajtaoa, magasin ya we yu stap ridim. Taem hem i ridim wan haf long saed blong kat we God i stap ron long hem long heven, we Esikel japta 1 i tokbaot, man ya i raetem se:

“Wanwan long ol fo anamol ya, no ol jerubim, oli gat fo wing mo fo fes blong olgeta. Oli gat wan fes olsem laeon, we i minim stret fasin blong Jeova; wan fes i olsem buluk, i pija blong paoa blong God; wan fes olsem igel, i saen blong waes blong hem; mo wan fes olsem man, i saen blong lav blong Jeova.

“Afta we mi ridim magasin ya plante taem bakegen, mi kasem wan dip filing long hat blong mi. Mi haremgud tumas, we wora i kamaot long ae blong mi. Faswan tingting blong mi long taem ya se, ‘!Jeova, ating yu yu naes mo yu yu gud tumas!’ Mi sek long mi wan taem mi kasem ol nyufala filing ya long saed blong Jeova God ya we mi stap jikim hem plante yia finis, from we mi mi wan man blong wol stret. Mi mi talem ‘tangkyu’ long ol Wetnes blong Jeova, mo mi talem long plante long yufala we i olsem mi, se, ‘I gud yumi ridim moa bifo we yumi jikim.’”