Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • w94 5/15 p. 32
  • “!Ol Wetnes Blong Jeova Oli Lukaotgud Long Mi!”

I no gat video yet long haf ya.

Sori, i gat problem taem i stap lodem video ya.

  • “!Ol Wetnes Blong Jeova Oli Lukaotgud Long Mi!”
  • Wajtaoa—1994
Wajtaoa—1994
w94 5/15 p. 32

“!Ol Wetnes Blong Jeova Oli Lukaotgud Long Mi!”

LONG ol las dei ya, plante man oli soemaot we “oli wael olgeta . . . oli no wantem ol fasin ya we i gud nomo, oli agens long hem.” (2 Timote 3:​1, 3) Aesak, wan man we i givim taem blong hem blong wok fri long wan long ol branj ofis blong Watch Tower Society long Wes Afrika, i faenem se samting ya i tru. Hem i talem se:

“Long Janewari 1992, mi stap ron long wan taksi wetem faef narafala pasenja long wan rod we i no gat man long hem. Mi stat toktok long wan woman we i sidaon kolosap long mi, mo hem i glad blong karem wan buklet we mi givim we i tokbaot Baebol.

“Samting olsem fo klok long aftenun, wantaem nomo wan nyufala trak we i no gat laesens long hem, i kam long fored blong mifala, nao ol wil long trak blong mifala oli krae taem trak i stop. Tri bigfala man, we wanwan long trifala i karem masket, oli jyam daon long narafala trak mo oli openem kwik doa blong trak blong mifala. Wan long olgeta i singaot strong, ‘Yufala evriwan, yufala i kamaot.’

“Narafala man i pulumaot basket blong mi. Taem i luk se ol buk we oli tokbaot Baebol nomo oli stap insaed, i sakem basket ya i go. Hem i poenem masket blong hem long mi mo i askem se, ‘?Yu gat wanem bakegen?’ Kwiktaem nomo mi givim mane we i stap long paos blong mi. Hem i askem se, ‘?Hemia nomo?’ Mi talem long hem se mi wan Wetnes blong Jeova mo ol Wetnes oli no save gyaman. Hem i pulumaot paos ya long mi, i luk kad we i talemaot se mi joen wetem Wajtaoa, nao i talem se, ‘Ale, Wajtaoa. Yu wet long ples ya.’

“Biaen hem i tanem hem i go long woman ya we mi toktok wetem hem long taksi. Woman ya i karemaot jen blong hem kwiktaem mo i givim mane we i stap long paos blong hem long man ya. Taem stilman ya i luk buklet we i stap long han blong woman ya we hem i seksek tumas, hem i ting se mitufala i stap wanples, ale hem i sakem han blong hem blong talem long hem blong stap wetem mi.

“Long semtaem, ol narafala stilman ya we oli holem ol masket, oli faetem nogud ol man we mifala i pas long taksi wetem olgeta. Oli kilim mo stilim draeva wetem narafala man we i kam wetem mifala long trep ya. Wan narafala stilman i traem blong pulumaot jen blong namba tu woman. Taem woman ya i traem blong blokem hem, oli no gat sore, oli kilim hed mo jes blong hem wetem handel blong masket gogo hem i ded. Oli pulumaot namba tri woman long trak mo oli sutum hem long jes. Sore tumas blong talem se, hem tu i ded. Mi wetem yangfala woman ya we i stap wetem mi, mitufala nomo we oli no mekem wan samting nating long mitufala.

“Biaen taem wan trak we i pas i karem mifala, woman ya we i fraet tumas i stap talem oltaem se, ‘!Ol Wetnes blong Jeova oli lukaotgud long mi!’ ”

    Ol buk long Bislama (1987-2026)
    Logaot
    Login
    • Bislama
    • Serem
    • Setemap Olsem Yu Wantem
    • Copyright © 2025 Watch Tower Bible and Tract Society of Pennsylvania
    • Ol Rul
    • Privacy Policy
    • Privacy Settings
    • JW.ORG
    • Login
    Serem