Hem i Presem “Nambawan” Asembli Ya

WAN man we i toktok long radyo long Lima, Peru, i no bin laekem ol Wetnes blong Jeova bifo. Be, afta we hem i go long wan distrik asembli blong olgeta, tingting blong hem i jenis bigwan. Yes, hem i laekem asembli ya tumas, nao hem i talemaot sam gudfala tok long radyo blong presem asembli ya. Hemia nao sam toktok blong hem:

“Asembli ya i nambawan. I no gat wan pepa nating long graon, no wan man blong salem ol samting. Ol trak oli no fasfas long rod. Bifo long asembli ya, faef taosen tu handred man oli go long stad ya. Oli pem prapa rod blong olgeta. Wanwan long olgeta, oli karem baket, kaliko, brum, smol savel, bras, hanglaf, mo sop blong wasem mo brasem ples. Oli pentem sam haf blong stad ya bakegen. ?Mane blong mekem ol samting ya i kam wea? !Olgeta ya nomo oli givim! Taem oli harem tok se i nidim blong mekem wan samting, wantaem nomo, oli pusum han long poket blong olgeta blong karemaot presen mane. Mi talem stret long yufala, Katolik Jyos i stap slip long saed blong ol samting ya. Mi wantem presem ol Wetnes blong Jeova mo olgeta we oli mekemrere asembli ya. Mi talem wetem fulhat blong mi se, mi wantem we God i blesem mo i givhan long yufala.”

Long yia ya, long plante bigfala taon blong wol, ol Wetnes blong Jeova bambae oli mekem Distrik Asembli ya “Fasin Blong Laef We God i Glad Long Hem.” ?Bambae yu yu stap long asembli ya?

[Tok Makem Poen Long Pej 32]

“I no gat wan pepa nating long graon”