Wan Spesel Yia Blong Seremaot Baebol

TEDE, bitim olgeta taem bifo, plante moa man oli gat wan Baebol blong olgeta. Hemia ripot we Yunaeted Baebol Sosaeti i soem, from we long 1998 namba blong ol Baebol we oli seremaot i kam antap bigwan i bitim yia bifo. Oli seremaot bitim, 585,000,000 Baebol—haf no fulwan—long ful wol. Ripot i talem se, “Namba ya i leftemap tingting blong yumi. Tede, Tok blong God i kasem moa man.”

I tru se, jes from we wan man i gat Baebol long haos blong hem, i no minim se hem i ridim. Eksampel, wan ripot i soem se bitim 90 pesen blong ol man Amerika oli gat wan Baebol, mo sem namba oli bilif se Baebol i save tijim olgeta long saed blong ol gudfala fasin. Be, jes 59 pesen nomo oli talem se oli lesin long advaes blong Baebol. Mo 29 pesen oli talem se save blong olgeta long saed blong Baebol i “smol” no i “nating nomo.”

Ol Witnes blong Jeova oli no jes prentem mo seremaot ol Baebol nomo, be oli mekem fri Baebol stadi tu wetem ol man long bitim 230 kantri. Naoia long ful wol, plante milyan man oli kasem gudfala frut from program ya blong tijim ol man long saed blong Baebol. Oli kasem help blong fesem ol problem, mo oli lanem wanem Baebol i talem long saed blong wan hapi fiuja aninit long Kingdom blong God.—Aesea 48:17, 18; Matiu 6:9, 10.

[Tok blong pija long pej 32]

Ol Baebol stadi (i stat antap long lefsaed i kam long raetsaed) long haos long Bolivia, Gana, Sri Lanka, mo Inglan