Putum Ring i Gobak Long Fingga

“YU LUK fingga blong han blong mi. ?Yu luksave se wan samting i defren?” Man we i talem tok ya, i soem han blong hem long wan woman we i wan Witnes blong Jeova. Woman ya i lukluk, mo wantaem nomo i luksave se ring blong mared i no moa stap long fingga blong man ya. Man ya i eksplenem se hem mo waef blong hem tufala i no moa save joengud, mo tufala i tekem disisen blong divos. Witnes ya i talem: “!No! Yu karem buk ya mo yu ridim. Bambae hem i givhan long mared blong yu.” Ale, hem i givim buk ya we i stanap long Baebol, Save Blong Lidim Yu Long Laef We i No Save Finis.a

Sam dei i pas nao man ya i go luk Witnes ya bakegen, mo hem i glad tumas. Hem i soem han blong hem long Witnes ya. Ring blong mared i stap long han blong hem bakegen. Hem i talem long Witnes ya se hem mo waef blong hem, tufala i bin ridim buk ya Save, nao tufala i hapi tumas. I olsem we buk ya i putum ring blong mared i gobak long fingga blong tufala.

Ol advaes blong Baebol oli save halpem wan hasban mo waef blong soem trufala lav long tufala. Hemia from we man we i stamba blong Baebol, hemia Man ya we i Wokem yumi, mo hem i talem se: “Mi mi Hae God, mi God blong yufala. Mi nao mi stap tijim yufala blong givhan long yufala, mo mi stap lidim yufala long ol rod we i stret blong yufala i folem.”—Aesea 48:17.

[Futnot]