Yumi No Jes Tokbaot Kristin Lav

TAEM wan bigfala faea i kakae haos blong famle Bartholomew long Trinidad, oli lusum evri samting, be oli stap laef. Wan famle blong olgeta we i stap klosap i welkamem olgeta, be stori ya i no finis yet.

Olive Bartholomew i wan Witnes blong Jeova, mo sam memba blong kongregesen we hem i wok long hem—mo sam blong ol kongregesen raonabaot tu—oli givim presen mane blong bildim bakegen haos we hem mo famle blong hem oli lusum. Oli stanemap wan komiti blong lukaot long wok ya, nao oli stat bildim haos bakegen. Klosap 20 Witnes, wetem sam man we oli stap raonabaot long olgeta, oli joen long wok ya. Ol yangfala tu oli joenem olgeta, mo sam narafala oli givimaot smol kakae mo dring.

Long niuspepa ya blong Trinidad, Sunday Guardian, Olive i talem se, “Famle blong mi i sapraes tumas. Famle blong mi oli no Witnes, mo hasban blong mi i sek tumas blong lukluk samting ya.”

Man we i bin lukaot long wok i poenemaot se wok olsemia i wan mak blong trufala Kristin Skul. Hem i se: “Yumi no go long ol haos wanwan, blong tokbaot lav nomo. Be yumi traehad blong mekem wanem we yumi tokbaot.”—Jon 13:34, 35.

[Tok blong pija long pej 32]

Olive Bartholomew wetem man blong hem