Advaes

◼ Buk blong seremaot long Ogis: Eniwan long ol buklet ya we i gat 32 pej long hem: ?God i Rili Kea Long Yumi?, !Yu Yu Save Harem Gud Blong Olwe Long Wol!, “Look! I Am Making All Things New,” Should You Believe in the Trinity?, The Divine Name That Will Endure Forever, Gavman Ya We Bambae i Mekem Paradaes, mo What Is the Purpose of Life​—How Can You Find It? Septemba: Yu Save Laef Foreva Long Paradaes Long Wol.

◼ Kongregesen i mas stat askem 1995 Calendar of Jehovah’s Witnesses wetem oda blong buk blong olgeta long Septemba. Bambae i gat kalenda ya long Engglis, Franis, Italian, Jaenis, Japanis, mo Spanis.

◼ Oli sanem finis inaf fom blong yusum long sevis yia 1995 i go long ol wanwan kongregesen. Kongregesen i no mas yusum ol fom olbaot nomo. Oli mas yusum ol fom ya long stret wok blong olgeta nomo.

◼ Evriwan we oli stap joen long kongregesen oli mas sanem ol nyu mo sabskripsen we oli mekem bakegen blong Wajtaoa mo Wekap!, mo prapa sabskripsen blong olgeta, tru long kongregesen.

◼ Wanwan kongregesen bambae i kasem tri fom Blong Kaontem Stok (Literature Inventory) (S-18). Sekretari blong kongregesen i mas toktok wetem brata we i lukaot long ol buk long stat blong Ogis mo jusum wan dei blong kaontem ol buk we oli stap long stok blong kongregesen long en blong manis. Oli mas kaontem olgeta buk we oli stap long stok, mo raetem total blong olgeta long fom Blong Kaontem Stok. Oli save kasem total namba blong ol magasin we oli stap, long brata we i lukaot long ol magasin. Plis sanem faswan long trifala pepa ya i go long Sosaeti bifo Septemba 6. Holem kopi blong hem long fael blong yufala. Yusum namba tri kopi blong wok wetem. Sekretari bambae i lukaot long wok ya blong kaontem stok, mo presiden elda bambae i jekem ol fom taem oli finis. Sekretari mo presiden elda bambae oli saenem fom ya.

◼ Ol pablisa we oli mekem plan blong statem fultaem paenia long Septemba 1, 1994, oli mas fulumap fom kwiktaem naoia.

◼ Sekretari blong kongregesen bambae i ademap ol ripot blong prij blong kongregesen blong raetem long Congregation Analysis Report fom (S-10). Bambae hem i lukaotgud tu long wok blong eni elda no man blong givhan we i halpem hem blong mekem ripot ya. Samting ya bambae i mekem se namba we i kamaot long Ripot Blong Pablisa (S-21) i stret. Oli mas lukaot blong raetem ol stret namba long Congregation Analysis Report fom (S-10) mo kipim i klin, mo sevis komiti i mas jekemgud.