Advaes
◼ Long Febuwari, bambae yumi seremaot buk ya: Yu Save Laef Foreva Long Paradaes Long Wol blong 350 VT. I gud blong mekem visit bakegen taem yumi seremaot buk ya mo yumi mas traehad blong statem Baebol stadi. Maj: Revelation—Its Grand Climax At Hand! blong 350 VT. Epril mo Mei: Sabskripsen blong Wajtaoa mo Wekap! blong 600 VT long wanwan long tufala. NOTIS: Ol kongregesen we oli no putum oda yet blong ol buk ya we yumi tokbaot antap, oli save putum long Pepa blong Oda long Ol Buk, long nekis manis (S-14).
◼ Sekretari mo elda we i lukaot long wok blong prij oli mas jekem bakegen wok blong ol fultaem paenia. Sipos samfala oli stap faenem i had blong kasem ol haoa blong olgeta, ol elda oli mas mekem plan blong givhan long olgeta. Blong kasem sam tingting, lukluk bakegen ol leta blong Sosaeti (S-201) blong Oktoba 1, 1993, mo Desemba 1, 1992. Mo tu, lukluk paragraf 12-20 blong pepa we i stap insaed long Kingdom Wok Blong Yumi blong Septemba 1986.
◼ Bambae yumi mekem lafet blong Memoriol long Fraede, Epril 14, 1995. Nating se tok i save stat eli, plis rimemba se yufala i no mas pasem bred mo waen blong Memoriol bifo san i godaon. Jekem ples blong yufala blong save wetaem san i stap godaon. I no mas gat narafala miting long dei ya, miting blong prij nomo. Sipos kongregesen i gat miting oltaem long Fraede, maet i gud blong jenisim i go long wan narafala dei blong wik ya sipos Haos Kingdom i fri long dei ya.
◼ Long en blong ol miting blong kongregesen mo ol seket asembli mo spesel dei asembli long Epril 23, 1995, bambae oli talem wan mesej, long saed blong wan spesel wok we yumi mas mekem, blong seremaot long olgeta man wan traket we i gat fo pej blong hem. Traket ya i karem wan mesej we i stret long taem blong yumi. Bambae oli leftemap tingting blong ol pablisa blong givim spesel kea long ol man we oli gat gudfala hat, we oli stap tingting dip long ol bigfala problem we oli stap fesem, mo oli stap lukaotem help we oli save trastem. Evri pablisa, ol nyuwan tu we bambae oli stat blong joen long wok blong prij long Maj, Epril, mo Mei, bambae oli wantem blong joen fulwan mo sapotem spesel wok ya.
◼ Ol pablisa we oli wantem mekem wok blong haftaem paenia long Maj, Epril, mo Mei, oli mas mekem plan blong olgeta naoia, fulumap pepa mo givim long ol elda kwiktaem. Samting ya bambae i givhan long ol elda blong mekemgud ol plan blong wok blong prij, mo blong sua se i gat inaf buk i stap.