Advaes

◼ Yumi seremaot long Oktoba mo Novemba: Sabskripsen blong Wajtaoa (Bislama) blong 600 VT (wan yia). Sabskripsen blong Wajtaoa no Wekap! (Engglis, Franis) blong 600 VT (wan yia) no 300 VT (6 manis). I gud se evriwan i mekem spesel fasin traehad blong kasem wan sabskripsen mo blong seremaot plante magasin. Desemba mo Janewari: Revelesen​—Kolosap i Kasem Nambawan En Blong Hem! blong 350 VT.

◼ Pej we i stap long medel blong Kingdom Wok Blong Yumi hemia “Program Blong Tiokratik Skul Long Yia 1996.” Yumi mas putum i stap gud blong yusum long 1996.

◼ Ol kongregesen oli mas stat blong odarem Ridimgud Ol Tok Blong Baebol Evri Dei​—1996 wetem oda blong ol buk long Oktoba. Oli save odarem long Bislama, Engglis, Franis no lanwis blong Walis. Go kasem taem we ol buklet ya oli rere mo ofis i sanemaot olgeta, bambae i gat “Pending” long ol pepa we kongregesen i kasem. Ridimgud Ol Tok Blong Baebol i wan samting we yu mas mekem spesel oda blong hem.

◼ Wekap! blong Novemba 8 long Engglis mo Franis i gat ol haf long hem long saed blong skul Momon. Ol save ya i no blong faet agensem skul Momon, be hem i blong skelem long klia fasin sam bilif blong Momon wetem Baebol. Blong raetem ol haf ya, fastaem oli bin mekem dip stadi long ol save ya mo jekem ol poen wetem ol man Momon. Mifala i bilif se fasin ya blong luklukgud long histri mo ol tijing blong skul Momon, bambae i halpem sam man we hat blong olgeta i tru, blong luksave weples oli save faenem laet blong trutok.

◼ Ol Nyufala Kaset Video:

The New World Society in Action (Oli mekem bakegen sinema blong 1954 we i gat sem nem) ​—Engglis