!Wajtaoa Long Fo Kala!

Yumi evriwan i laekem tumas blong luk ol Wajtaoa long Engglis mo Franis, we oli gat fo kala long fored blong olgeta. !Bambae yumi haremgud tumas sipos yumi save gat ol Wajtaoa long Bislama long fo kala! Mifala i glad tumas blong talemaot se i no longtaem, bambae yufala i kasem ol Wajtaoa long Bislama long fo kala. !Taswe, i gud we yumi wok wetem strong tingting blong traem pulum ol narafala we oli soem intres long trutok, blong oli ridim ol 24 Wajtaoa blong ful yia we oli kamaot long kala!

Wetem blesing blong Jeova long wok blong yumi, yumi no mas fraet blong seremaot sabskripsen mo ol wanwan Wajtaoa long evri jans we yumi gat. Yumi no mas fogetem se, long Wajtaoa i gat ol save we i stanap long Tok blong God, mo we i save sevem laef blong man. (Sef. 2:2, 3) Yumi mas gohed long wok blong Jeova wetem strong tingting, mo lukluk i go long Hem blong lidim mo blesem yumi.