Advaes

◼ Buk we yumi seremaot long Desemba: Man We i Hae Moa Long Olgeta Man blong 350 VT. Janewari: Eniwan long ol buk blong 192 pej we kongregesen i gat finis, mo we oli wokem bifo long 1985, blong 130 VT. Ol kongregesen we oli no gat ol buk olsem oli save seremaot Save buk blong 130 VT. Febuwari: Revelesen​—Kolosap i Kasem Nambawan En Blong Hem! blong 350 VT. Maj: Save Blong Lidim Yu Long Laef We i No Save Finis blong 130 VT. Traehad blong statem ol nyufala Baebol stadi.

◼ Ol kongregesen oli save odarem ol baon volyum blong Wajtaoa mo Wekap! blong 1997, long oda blong ol buk long Desemba. (Lukluk Watchtower Publications List, haf 7-10.) Ol baon volyum ya oli long Bislama, Engglis, Franis, mo lanwis blong Walis. Go kasem taem we mifala i sanemaot olgeta, bambae mifala i raetem “Back Ordered” long ol invoes blong kongregesen. Ol baon volyum, Sosaeti i prentem wan stret namba blong olgeta nomo.

◼ Presiden elda no wan we hem i jusum, bambae i jekem ol kaon blong kongregesen long Desemba 1 no kwiktaem biaen. Talemaot long kongregesen taem wok ya i finis.

◼ Dei blong Memoriol blong 1999 hemia Tasde, Epril 1, afta we san i godaon. Mifala i talemaot samting ya longtaem bifo, blong mekem se ol brata long ol ples we plante kongregesen oli yusum semfala Haos Kingdom, oli save faenem mo blokem wan narafala haos blong mekem Memoriol long hem. Ol elda oli mas mekem wan kontrak wetem masta blong haos ya, blong promes se ol man we oli yusum wan narafala haf blong haos ya bambae oli no mekem tumas noes long taem blong Memoriol. Olsem nao, Memoriol i save gohed long fasin we i kwaet mo i gat oda. From we Memoriol i impoten tumas, ol elda oli mas jusum wan elda we i nafgud blong mekem tok, oli no mas jes tekem taem blong olgeta nomo, no yusum semfala brata evri yia.

◼ Ol Nyufala Kaset:

?Wanem Samting We God i Wantem Yumi Blong Mekem? (wan kaset nomo) ​—Franis

◼ Ol Nyufala Kompak Disk:

Kingdom Melodies, Namba 5

Kingdom Melodies, Namba 6