Advaes

◼ Buk we yumi seremaot long Febuwari: Revelesen​—Kolosap i Kasem Nambawan En Blong Hem! blong 350 VT. Maj: Save Blong Lidim Yu Long Laef We i No Save Finis blong 130 VT. Traehad blong statem ol nyufala Baebol stadi. Epril mo Mei: Ol Wajtaoa mo Wekap! wetem sabskripsen blong Wajtaoa blong 600 VT (wan yia) no 300 VT (sikis manis).

◼ Ol pablisa we oli mekem plan blong go long ol aelan long taem blong Memoriol, oli save seremaot buklet ya Samting We God i Wantem mo Save buk, long wok blong prij longwe.

◼ Sekretari mo elda we i lukaot long wok blong prij tufala i mas lukluk long wok blong ol fultaem paenia. Sipos sam long olgeta oli stap faenem i had blong kasem ol haoa, ol elda oli mas mekem plan blong givhan long olgeta. Blong kasem advaes long saed ya, lukluk ol leta blong Sosaeti (S-201), Oktoba 1, 1993, mo Oktoba 1, 1992. Mo tu, lukluk pepa we i stap long medel blong Kingdom Wok Blong Yumi, Septemba 1986, haf 12-​20.

◼ Taem ol kongregesen mo ol pablisa oli raetem leta i kam long Sosaeti, oli mas yusum nyufala adres ya, B.P. 1741, 98810 Mont Dore. Plis, yufala i no mas yusum olfala adres ya, B.P. 787, Nouméa. Sipos yufala i gat sam envlop oli stap wetem olfala adres ya long olgeta, i gud blong sakemaot olgeta. Mo tu, i gud blong putum adres blong yufala long narasaed blong envlop.

◼ Nyufala Kaset:

?Why Respect Theocratic Arrangements? (Drama, wan kaset nomo) ​—Engglis

◼ Nyufala Video Kaset:

Jehovah’s Witnesses Stand Firm Against Nazi Assault ​—Franis