Advaes

◼ Yumi seremaot long Epril mo Mei: Sabskripsen blong Wajtaoa (Bislama, Engglis, Franis) mo Wekap! (Engglis, Franis) blong 600 VT (wan yia) no 300 VT (sikis manis). Jun: Man We i Hae Moa Long Olgeta Man blong 300 VT. Julae mo Ogis: Buklet ya blong 32 pej: ?God i Rili Kea Long Yumi? Sipos i stret long man we yumi storeyan wetem hem, yumi save yusum Speret blong ol Dedman​—?Oli Save Halpem Yu No Spolem Yu? ?Oli Rili Stap?

◼ From we manis Mei i gat faef wiken, hemia wan gudfala taem long plante pablisa blong mekem haftaem paenia.

◼ Ol kad blong Distrik Asembli blong 1998 long lanwis Franis, bambae mifala i sanem olgeta wetem oda blong ol buk. Kongregesen i no nidim blong mekem oda blong olgeta. Sipos kongregesen i nidim moa kad, yufala i mas odarem olgeta long Pepa Blong Odarem Ol Buk (S-14). Sipos samfala long kongregesen oli wantem ol plastik baj blong kad ya, yufala i mas odarem olgeta.

◼ Long 1997, i gat Watchtower Library long CD-ROM i kamaot long naen lanwis. Hemia faswan taem we nambawan tul ya i kamaot long lanwis blong Daj, Denmak, Franis, Japan, (hemia i nidim Windows long lanwis blong Japan) mo Potugal. Insaed long hem, i gat ol nyufala buk stat long yia 1980 kasem 1997. Long Watchtower Library long lanwis Engglis, Itali, Jemani, mo Spen, ol buk oli stat long 1970 (long Engglis, Wajtaoa i stat long 1950). Ol kongregesen oli save sanem oda blong Watchtower Library​—1997 long ol lanwis ya. Sosaeti i stap wokem olgeta long plante kantri, taswe bambae mifala i fulumap ol oda blong ol lanwis ya taem oli rere i stap.

◼ Nyufala Kompak Disk:

Kingdom Melodies, Namba 8