Advaes
◼ Ol buk we yumi seremaot long manis Desemba: Save Blong Lidim Yu Long Laef We i No Save Finis wetem New World Translation blong 580 VT. Janewari: Eniwan long ol buk blong 192 pej we kongregesen i gat long stok, we praes blong olgeta i 130 VT, ol buk ya: The Secret of Family Happiness mo Save Blong Lidim Yu Long Laef We i No Save Finis. Febuwari: Man We i Hae Moa Long Ol Narafala Man blong 350 VT. Maj: Save Blong Lidim Yu Long Laef We i No Save Finis blong 130 VT. Bambae yumi traehad moa long manis ya blong statem sam Baebol stadi.
◼ I gud sipos ol kongregesen oli stat naoia blong odarem ol baon volyum blong Wajtaoa mo Wekap! 1998, sem taem wetem ol narafala oda blong buk blong manis Desemba. Yufala i save odarem ol baon volyum long Engglis mo Franis, mo long Bislama i gat Wajtaoa nomo. Go kasem taem we ol baon volyum oli rere mo ofis i sanemaot olgeta, bambae i gat “Back-ordered items” long ol invoes blong kongregesen. Ol baon volyum oli ol spesel oda we yumi save odarem nomo i go kasem wan stret namba.
◼ Presiden elda no wan we hem i jusumaot, i mas jekem ol kaon blong kongregesen long Desemba 1 no kwiktaem afta long dei ya. Taem wok ya i finis, talemaot long kongregesen afta we yufala i ridimaot finis nekis ripot blong akaon.
◼ Memoriol blong 1999 bambae i stap long Tasde, Epril 1, afta we san i godaon. Long yia 2000, bambae hem i stap long Wenesde, Epril 19, afta we san i godaon. Ol brata we oli go long narafala aelan oli mas meksua se bambae oli gat wan stret ples blong mekem Memoriol, long rod ya bambae miting ya i save gohed long pis mo folem oda. I gud blong mekem gudfala plan fastaem, blong gat inaf buk blong seremaot long ol vilej we bambae yufala i go long hem. Miting ya i impoten tumas. Taswe, taem ol elda oli putumap wan brata blong mekem tok blong Memoriol long ol kongregesen we i gat fulap man, i moagud sipos oli jusum wan long ol elda we oli nafgud blong mekem tok blong Memoriol, i bitim we oli yusum sem brata nomo evri yia, no oli jusum wan elda jes from we hem i no mekem tok ya longtaem finis. I tru se, sipos i gat wan elda we i wan tabu brata, mo hem i naf blong givim tok ya, i moagud hem i mekem.