Advaes

◼ Buk we yumi seremaot long manis Epril mo Mei: Wajtaoa mo Wekap! No fogetem buklet ya Wanem blong yusum taem yu mitim ol man we oli intres, mo blong statem ol Baebol stadi. Jun: ?Wanem Samting We God i Wantem Yumi Blong Mekem? Yumi mas gat mak ya blong statem ol Baebol stadi. Julae mo Ogis: Wan long ol buklet ya blong 32 pej: ?God i Rili Kea Long Yumi?, Should You Believe in the Trinity?, The Divine Name That Will Endure Forever, ?Wanem Bambae i Hapen Long Yumi Taem Yumi Ded?, What Is the Purpose of Life​—How Can You Find It?, Taem Wan We Yu Laekem Hem Tumas i Ded, A Book for All People, Speret blong Dedman​—?Oli Save Halpem Yu No Spolem Yu? ?Oli Rili Stap?

◼ Ol kad blong distrik asembli blong yia 2000 bambae oli kam wantaem wetem ol narafala buk. I no nidim blong mekem oda long olgeta. Folem namba blong man long ol wanwan kongregesen, bambae yufala i kasem ol kad ya long ol bandel blong 25. Sipos kongregesen i nidim sam moa kad bakegen, kongregesen i save putum oda long pepa ya: Mifala i odarem ol buk ya (S-14). I gud blong askem ol plastik blong holem kad ya, sipos eni kongregesen i wantem.

◼ Olsem Kingdom Wok blong Maj 2000 i talem, CD-ROM blong Watchtower Library​—1999 Edition, i stap naoia long naen lanwis. Plis tingbaot se hemia i no wan samting blong seremaot long pablik, mo i no blong putum long ol laebri blong skul, no blong givim long man we i jes soem intres long ol Witnes blong Jeova. Watchtower Library​—1999 i blong ol memba blong kongregesen nomo, mo man we i wantem kasem wan i mas odarem tru long kongregesen nomo. Go kasem taem we ol kompak disk oli rere mo ofis i sanemaot olgeta, bambae i gat nem blong olgeta long seken haf blong ol pepa we kongregesen i kasem.

◼ Long Niukaledoni, bambae ol brata oli gat distrik asembli ya, “Ol Man Blong Mekem Samting We Tok Blong God i Talem” long Nouméa, long Septemba 15-17 mo 22-24, 2000.

Long Vanuatu, long Port-Vila, ol dei blong asembli oli jenis, i go long Septemba 1-3, 2000.