Pepa Blong Lukluk Bakegen Ol Poen Blong Tiokratik Skul
Yumi klosem ol buk blong lukluk ol poen we Tiokratik Skul i storebaot long ol wik bitwin Septemba 4 mo Disemba 18, 2000. Yusum wan spesel pepa blong raetemdaon ansa blong yu. Traem ansa long olgeta kwestin we yu save ansarem long taem blong miting ya.
[Not: Long taem blong lukluk bakegen ol poen blong Tiokratik Skul, yu save yusum Baebol nomo. Ol refrens we oli stap biaen long ol kwestin, yu save yusum olgeta long haos blong yu.]
Raetem “Tru” no “Giaman” biaen long ol tok ya:
1. Deved i blokem Abisae blong no kilim Simei i ded, from we Deved i gat fol long olgeta poen ya we Simei i stap talemaot agensem hem. (2 Saml. 16:5-13) [Baebol Riding Blong Wik; lukluk w99 5/1 pej 32 haf 3.]
2. Yumi kam gudfala fren blong God sipos tingting ya we i stap jajem yumi i klin mo yumi trenemgud. Antap long samting ya, tingting olsem i save lidim yumi i go long rod blong sef. (Hib. 10:22; 1 Pita. 1:15, 16) [w98 9/1 pej 4 haf 4]
3. Stori blong 1 King i no impoten tumas long ol Kristin, from afta we Solomon i ded, i gat 2 King nomo i mekem samting we i stret long ae blong Jeova, we oli rul long Isrel mo Juda. [si pej. 64 haf 1]
4. Yumi save skelem Wan Taosen Yia Rul blong Jisas wetem 40 yia rul blong Solomon, we ol man oli gat pis mo plante samting. (1 King 4:24, 25, 29) [Baebol Riding Blong Wik; lukluk wE90 6/1 pej 6 haf 5.]
5. Oli berem Abia folem stret fasin blong berem dedman, samting ya i pruvum se, hem wan nomo i wan trufala man blong wosip long Jeova long famle blong Jeroboam. (1 King 14:10, 13) [Baebol Riding Blong Wik; lukluk w95 4/1 pej 12 haf 11.]
6. Taem man i tekem baptaes olsem wan Kristin, hem i soem se hem i kam wan man blong wok blong God we i bigman finis long saed blong spirit. [w98 10/1 pej 28 haf 2]
7. Jeova i givim paoa blong mekem se tingting blong Elaeja i no foldaon nating mo i blokemgud Elaeja blong i no fraet nating. (1 King 18:17, 18, 21, 40, 46) [Baebol Riding Blong Wik; lukluk w98 1/1 pej 31 haf 2.]
8. Plan blong tempel blong Solomon i impoten, i no from we i naes nomo. Be from we hem i pija blong tempel blong Jeova long saed blong spirit we i moa naes. [si pej 69 haf 26]
9. Taem Elisa i talem se Jeova i mekem ol ami blong Siria oli kam blaen, ol ami ya oli luk Elisa, be oli no luksave se hemia Elisa. Samting ya i pruvum se oli kam blaen long saed blong tingting. (2 King 6:18, 19) [Baebol Riding Blong Wik; lukluk si pej 70-1 haf 10.]
10. Fas King 11:12, i talem se oli “givim wan buk long hem [King] we buk ya, i gat Loa blong Hae God i stap long hem.” Samting ya i wan saen blong soem se, i no gat wan man i save jenisim mining blong tok we King i eksplenem long Loa blong God. Ol man oli mas obei long King, folem wanem rod we hem i yusum blong eksplenem mining blong Loa. [Baebol Riding Blong Wik; lukluk wE91 2/1 pej 31 haf 6.]
Ansa long ol kwestin ya:
11. ?Folem 1 Jon 2:15-17, ol papa mama we oli lavem God, oli mas pulum pikinini blong olgeta blong blokem wanem, taem oli stap halpem olgeta blong jusum wan wok we i stret? [w98 7/15 pej 5 haf 2]
12. ?Seken Samuel 18:8, i minim wanem taem hem i talem se: “Plante man moa oli ded from we oli lusum rod long bus, i winim olgeta we oli ded long faet”? [Baebol Riding Blong Wik; lukluk wE87 3/15 pej 31 haf 2.]
13. ?Tede, hu ya we i olsem ol Refaem, ol man blong Golaeat, mo oli stap traehad blong mekem wanem? (2 Saml. 21:15-22) [Baebol Riding Blong Wik; lukluk wE89 1/1 pej 20 haf 8.]
14. ?Yumi lanem wanem gudfala poen long Baebol, long buk blong 2 Samuel 6: 6, 7? [si pej 63 haf 30]
15. ?Yumi save lanem wanem impoten poen long stori blong man ya we i ded from i brekem loa blong Sabat? (Nam. 15:35) [w98 9/1 pej 20 haf 2]
16. ?Yumi save mekem wanem blong folem eksampol blong kwin blong Seba, we i kam long wan kantri farawe blong harem “waes blong [Solomon]”? (1 King 10:1-9) [Baebol Riding Blong Wik; lukluk w99 7/1 pej 31 haf 1-2.]
17. ?Long 1 King 17:3, 4, 7-9, 17-24, wanem trifala rod we Elaeja i soemaot bilif long Jeova? [Baebol Riding Blong Wik; lukluk wE92 4/1 pej 19 haf 5.]
18. Nabot i no wantem givim plantesin blong waen blong hem long Ahab. ?From wanem hemia i no minim se Nebot i stap mekem stronghed? (1 King 21:2, 3) [Baebol Riding Blong Wik; lukluk w97 8/1 pej 13 haf 18.]
19. ?Olsem wanem 2 King 6:16 i save leftemap tingting blong ol man blong wok blong Jeova tede? [Baebol Riding Blong Wik; lukluk w98 6/15 pej 18 haf 5.]
20. ?Tede, olsem wanem ol Kristin oli mas lukaotgud blong no foldaon long fasin ya saemoni? [w98 11/15 pej 28 haf 5]
Raetem ol stret tok long ol emti ples:
21. Wan trufala Kristin i no mas ․․․․․․․․ mo joen long ol kastom we ․․․․․․․․ i no glad long olgeta. (Prov. 29:25; Mat. 10:28) [w98 7/15 pej 20 haf 5]
22. Taem Pol i toktok long King Agripa, hem i yusum ․․․․․․․․ hem i tokbaot ol samting we hem mo Agripa oli ․․․․․․․․ . (Wok 26:2, 3, 26, 27) [w98 9/1 pej 31 haf 3]
23. Maet samfala oli harem olsem se God i no wan trufala man from we man i ․․․․․․․․ . Be sipos man i ․․․․․․․․ oltaem, bambae hem i luk ‘God ya we man i no save luk long ae blong hem.’ (Hib. 11:27) [w98 9/15 pej 21 haf 3-4]
24. Stori blong ․․․․․․․․ i soem se samtaem, wan smol ․․․․․․․․ nomo, i givim bigfala blesing. [Baebol Riding Blong Wik; lukluk w99 2/1 pej 3 haf 6–pej 4 haf 1.]
25. Tede, ․․․․․․․․ oli mekem olsem Jonadab, we tingting blong hem i sem mak wetem King Jehu. Oli sapotem mo joengud wetem Bigfala Jehu, ․․․․․․․․ , we ol ․․․․․․․․ long wol ya, oli saen blong hem. (2 King 10:15, 16) [Baebol Riding Blong Wik; lukluk w98 1/1 pej 13 haf 5-6.]
Putum wan mak aninit long ol stret tok:
26. Hem i (Setan; Jeova; Joab) we i pulum Deved blong mekem sin ya ‘blong kaontem olgeta man Isrel.’ (2 Saml. 24:1) [Baebol Riding Blong Wik; lukluk w92 7/15 pej 5 haf 2.]
27. Folem 1 King 8:1 mo Prija 1:1, Solomon i hivimap ol man wanples blong (bildimap tempel; ronem ol enemi blong Isrel; wosipim Jeova). [Baebol Riding Blong Wik; lukluk si pej 112 haf 3.]
28. Olgeta 20 yia we Solomon i spenem blong bildim tempel mo haos blong hem long Jerusalem, i sem mak long olgeta taem ya we i bin gat sam jenis blong stretem ol tijing mo ogenaesesen stat long (1919; 1923; 1931) mo i finis long (1938; 1942; 1950). (1 King 9:10) [Baebol Riding Blong Wik; lukluk wE92 3/1 pej 20 bokis.]
29. Tok ya “heven” long 2 King 2:11 i minim (ples we God i stap long hem; prapa skae; win we i stap raon long wol, we ol pijin oli flae long hem mo we i gat win i blu). [Baebol Riding Blong Wik; lukluk w97 9/15 pej 15 bokis.]
30. (Bigfala Herod; Sisa Ogastas; Taebirias Sisa) i givim oda se ol man oli mas mekem wan sensas blong kaontem ol man, we i mekem se Jisas i bon long Betlehem be i no long Nasaret. [w98 12/15 pej 7 bokis]
Joenem ol tok wetem ol vas ya:
Ol Sam 15:4; 2 Saml. 12:28; 2 Saml. 15:18-22; 2 King 3:11; Kol. 3:13
31. Yumi mas respektem olgeta we oli hed insaed long tiokratik oda we Jeova i stanemap. [si pej 63 haf 30]
32. Oltaem yumi mas stap tru long ogenaesesen blong Jeova mo ol man we oli lidim ogenaesesen ya. [si pej 63 haf 30]
33. Yumi mas luksave ol samting we Jeova i mekem finis blong givhan long yumi. Samting ya bambae i halpem yumi winim fasin kros mo blong fogivim mastik blong narafala. [w98 11/1 pej 6 haf 3]
34. I wan blesing blong tekem ol man blong wok blong Jeova, we oli stap mekem wan spesel wok, oli kam long haos blong yumi mo yumi givhan long olgeta. [Baebol Riding Blong Wik; lukluk w97 11/1 pej 31 haf 1.]
35. Man we i fraetgud long Jeova bambae i traehad blong holem promes we hem i mekem blong pem kaon blong hem, nating sipos ol samting we oli hapen long laef i mekem i hadwok long hem. [w98 11/15 pej 27 haf 1]