Advaes

◼ Buk we yumi seremaot long manis Jenuware Mo Februari: Revelesen​—Kolosap I Kasem Nambawan En Blong Hem! Narafala buk we maet yumi seremaot tu, hemia Save Blong Lidim Yu Long Laef We i No Save Finis no Spesel Rod Blong Mekem Famle i Hapi. Maj: Save Blong Lidim Yu Long Laef We i No Save Finis. Bambae yumi traehad blong statem ol Baebol stadi. Eprel: Ol Wajtaoa mo Wekap! magasin. Sipos olgeta we yumi visitim bakegen oli soem intres, yumi save askem olgeta blong mekem sabskripsen. Yumi save seremaot buk ya Save no buklet Wanem long olgeta, wetem tingting ya blong statem ol Baebol stadi.

◼ Olgeta pablisa we oli baptaes finis we oli stap long Miting blong Kingdom Wok long wik blong Jenuware 14, oli save kasem kad blong blad mo Aedentiti kad blong ol pikinini blong olgeta.

◼ Stat long Februari, mo bifo long Maj 3, ol seket elda bambae oli givim niufala pablik tok ya long kongregesen: “Faenem Sefples Long Wan Wol We i Denja.”

◼ Olsem we yumi harem oli talemaot long ol Distrik asembli blong 2001, bambae yumi save pasem oda blong niufala buk ya Kasem Gudfala Frut From Tijing Blong Tiokratik Skul long stat blong 2002. I stat long Jenuware 1, 2002, yumi save givim oda blong buk ya long Inglis long ol kongregesen blong yumi. Gogo kasem taem we buk ya i rere mo oli putum long sip, bambae i gat saen ya “Pending” i stap long olgeta lis blong oda we kongregesen i mekem. Bambae mifala i letem yufala i save wetaem we buk ya i rere blong odarem long ol narafala lanwis.

◼ Ol kongregesen oli mas mekem ol stret plan blong Memoriol long yia ya, hemia long Tasde, Maj 28, afta we san i godaon. Nating sipos tok i stat bifo long taem ya, be yumi no mas pasem bred mo waen bifo we san i godaon. Jekemap gud se san i stap godaon long wanem taem long ples blong yumi. I moagud sipos ol wanwan kongregesen oli gat prapa Memoriol blong olgeta, be maet samtaem i no isi blong mekem olsem. Sipos plante kongregesen oli stap yusum semfala Haos Kingdom, maet wan long ol kongregesen i save yusum wan narafala ples blong mekem Memoriol. Sipos i gat rod, i gud blong letem 40 menet bitwin ol program ya, blong givim inaf taem blong evriwan i talem halo, mo storian gud wetem ol niuwan we oli soem intres. Yumi mas tingbaot tu, ol transpot mo ples blong putum trak, mo olsem wanem blong lego mo pikimap ol pasenja. Ol elda oli mas tekem disisen se wanem i moagud blong mekem long ples blong yumi.

◼ Sam man blong stadi long saed blong ol skul, mo sam narafala tu, oli bin askem infomesen long sam brata long saed blong ol Witnes blong Jeova mo ogenaesesen blong yumi. Oli bin askem ol brata blong oli fulumap ol fom we i gat ol kwestin long saed blong bilif mo tijing blong yumi. Sipos sam man olsem oli askem wan pablisa blong mekem olsem, hem i mas talem long man ya nem blong presiden elda blong kongregesen. Ol elda oli save ansarem ol kwestin olsem, mo givim ol stret ansa we oli stanap long buklet ya Jehovah’s Witnesses Who Are They? What Do They Believe? no long Reasoning buk.

◼ Ol Niufala Buk:

Kasem Gudfala Frut From Tijing Blong Tiokratik Skul​—Inglis

Ridim Ol Tok Blong Baebol Evri Dei 2002​—Jaenis (isi blong ridim), Franis

T-26 Would You Like to Know More About the Bible?​—Jaenis, Jaenis (isi blong ridim)

◼ Ol Buk We Oli Rere Bakegen:

Wekap! 2000 Bound Volume​—Inglis

◼ Kaset We i Rere Bakegen:

Ol Sam​—Inglis