Advaes

◼ Buk we yumi seremaot long manis Februari: Revelesen—Kolosap i Kasem Nambawan En Blong Hem! Sam narafala buk we yumi save seremaot tu i gat, Save Blong Lidim Yu Long Laef We i No Save Finis mo Spesel Rod Blong Mekem Famle i Hapi. Maj: Save Blong Lidim Yu Long Laef We i No Save Finis. Bambae yumi traehad blong statem ol Baebol stadi. Eprel mo Mei: Wajtaoa mo Wekap! Taem yumi gobak long wan man we i rili intres, yumi save askem long hem sipos i wantem wan sabskripsen. Soem Save buk no buklet Wanem, wetem wan tingting blong statem Baebol stadi.

◼ Taem ol pablisa oli stap wok long wan ples we i no gat kongregesen i lukaot long hem, oli save seremaot buk Save no buklet Wanem. Sipos man i gat tufala buk ya finis, oli save soemaot eni narafala buk long hem. Evri pablisa i save karem ol defdefren kaen traket, blong putum long haos taem man i no stap, no oli save givim long ol man we oli no karem buk. Ol pablisa oli mas traehad blong gobak blong luk olgeta we oli soem intres, antap moa, long ol teritori we oli no prij long olgeta mo we oli klosap long ol kongregesen.

◼ Presiden elda no wan we hem i jusumaot, i mas jekem ol kaon blong kongregesen long Maj 1 no kwiktaem afta long dei ya. Taem yufala i ridimaot nekis ripot blong ol kaon, talemaot long kongregesen se wok ya i finis.

◼ Sekretari mo elda we i lukaot long wok blong prij, tufala i mas lukluk bak long wok blong ol fultaem paenia. Sipos sam long olgeta oli faenem se i hadwok blong kasem ol aoa, ol elda oli mas mekem plan blong givhan long olgeta. Blong kasem advaes long saed ya, lukluk ol leta blong Sosaeti (S-201). Mo tu, lukluk pepa we i stap insaed long Kingdom Wok blong Ogis 1986, haf 12 kasem 20.

◼ Ol pablisa oli mas lukaot long ol giaman trik we oli stap kamaot long Internet mo tru long ol leta. I gat samfala we oli stap askem mane, mo oli giaman se mane ya i blong givhan long ol brata we oli kasem trabol long ol disasta. Taem i gat nid blong stanemap wan komiti blong givhan long ol Witnes blong Jeova we oli kasem trabol olsem, bambae Sosaeti i jusumaot ol brata we oli naf. Ol pablisa oli save sanem presen mane i go long Sosaeti blong givhan long ol nid olsem.

◼ Spesel tok long taem blong Memoriol long yia 2002, bambae i stap long Sande, Eprel 14. Stamba tok hemia, “Tingbaot Oltaem ‘Bigfala Dei We Bambae i Mekem Ol Man Oli Fraet.’” Bambae ol kongregesen oli kasem wan plan blong tok ya. Ol kongregesen we oli gat visit blong seket elda no wan asembli long wiken ya, oli save mekem spesel tok long wiken we i kam biaen. Ol kongregesen oli no mas mekem spesel tok ya bifo Eprel 14, 2002.

◼ Ol Buk We Oli Rere Bakegen:

Gavman Ya We Bambae i Mekem Paradaes—Bislama

Jehovah’s Witnesses—Who Are They? What Do They Believe?—Franis

Ol Witnes Blong Jeova Oli Joengud Blong Mekem Wok Blong God Long Olgeta Ples Long Wol—Bislama

Save Blong Lidim Yu Long Laef We i No Save Finis—Bislama

Spesel Rod Blong Mekem Famle i Hapi—Franis

?Wanem Bambae i Hapen Long Yumi Taem Yumi Ded?—Bislama

What Is the Purpose of Life—How Can You Find It?—Franis

!Yu Save Kam Fren Blong God!—Bislama, Franis