Advaes

◼ Buk we yumi seremaot long Maj: Save Blong Lidim Yu Long Laef We i No Save Finis. Bambae yumi traehad blong statem ol Baebol stadi. Eprel Mo Mei: Wajtaoa mo Wekap! Ol pablisa oli mas talem long man blong haos se sipos hem i glad, hem i save givim presen mane blong sapotem wok blong yumi long fulwol. Sipos man we yumi visitim hem i intres, yumi save soemaot buklet ya Wanem mo traehad blong statem Baebol stadi. Jun: ?Wanem Samting We God i Wantem Yumi Blong Mekem? no Save Blong Lidim Yu Long Laef We i No Save Finis. Sipos man blong haos i gat ol buk ya finis, soemaot wan gudfala buklet we kongregesen i gat long stok.

◼ Ol pablisa we oli wantem mekem wok blong haftaem paenia long manis Eprel, oli mas mekem plan naoia, mo fulumap pepa blong olgeta kwiktaem. Samting ya bambae i halpem ol elda blong mekem wan gudfala plan naoia long saed blong wok blong prij mo blong meksua se i gat naf magasin mo buk i stap. Talemaot evri manis long kongregesen, nem blong olgeta we oli mekem wok blong haftaem paenia.

◼ Memoriol bambae i stap long Tasde, Maj 28, 2002. Sipos kongregesen blong yufala i stap mekem miting long evri Tasde, i gud blong jenisim miting ya i go long wan narafala dei blong wik. Sipos yufala i no save mekem olsem mo Memoriol i foldaon long naet blong Miting Blong Kingdom Wok, yufala i save mekem ol tok we oli stret long kongregesen blong yufala long wan narafala Miting Blong Kingdom Wok.

◼ Sosaeti i no stap fulumap ol oda blong buk blong ol wanwan pablisa. Presiden elda i mas meksua se oli talemaot long kongregesen wetaem bambae oli sanem oda blong ol buk blong kongregesen i go long Sosaeti. Olsem nao, olgeta we oli wantem kasem wan buk blong olgeta nomo, oli save putum oda wetem brata we i lukaot long ol buk. Plis, no fogetem weswan buk we oli spesel oda.

◼ Ol Niufala Buk:

2002 Yearbook—Inglis

Save Blong Lidim Yu Long Laef We i No Save Finis—Big Saes—Inglis

New World Translation of the Holy Scriptures Deluxe, smol saes, blak mo maron (Dlbi25)—Jaenis isi blong ridim

◼ Ol Niufala Kaset:

Respect Jehovah’s Authority (Drama, single cassette)—Inglis

◼ Ol Buk We Oli Rere Bakegen:

Baebol—Vietnamis

◼ I No Moa Gat Long Stok:

Ol Rul Blong Mekem Minista Wok Blong Yumi—Inglis, Franis