?Yumi Tokbaot Wanem Long Ol Magasin?

Wajtaoa Mei 15

“?Yu yu ting se i gat rod blong save God? [Wet long ansa.] Ating bambae yu agri se i had blong bilif long wan man we yumi no save hem. Baebol i pulum yumi blong traem faenem God. [Ridim Ol Wok 17:27.] Ol stori ya oli soemaot long yumi olsem wanem yumi save kasem save moa long God.”

Wekap! Mei 22 (Inglis/Franis)

“Ol lida blong wol oli bin traem plante defren rod blong stretem ol trabol long wol. Wan niufala samting we oli traem, hemia we ‘ol kampani mo bisnes long ol defdefren kantri oli joen tugeta.’ Long magasin ya, yu save luk olsem wanem niufala plan ya i save gat paoa long laef blong yu. Yu save luk tu wan rod we Baebol i tokbaot blong stretem ol trabol blong wol.” Nao ridim Matiu 6:​9, 10.

Wajtaoa Jun 1

“Ol samting we oli kamaot long wol i no longtaem, oli pulum plante man blong tingbaot from wanem ol gudfala man oli ded. ?Yu yu bin tingbaot from wanem ol man oli stap ded? [Wet long ansa, nao openem magasin i go long pej 7.] ?Yu yu glad blong luk wanem we Baebol i talem long saed blong wan long ol giaman tingting ya?” Sipos i gat taem, ridim wan vas long magasin ya.

Wekap! Epr./Jun (Bislama)

“Plante man oli bin harem stori blong bigfala trabol we i kamaot taem ol teroris oli spolem tufala bigfala stori haos long Amerika. Stat long taem ya, fulap man oli nidim help mo ol tok we i leftemap tingting. Stori ya i tokbaot ol samting we ol Witnes blong Jeova oli mekem blong givhan long ol man we oli laef tru long trabol ya, ol wokman, mo olgeta we oli lusum wan famle no fren.”