Pepa Blong Lukluk Bakegen Ol Poen Blong Tiokratik Skul
Yumi klosem ol buk blong lukluk ol poen we Tiokratik Skul i storebaot long ol wik bitwin Mei 6 mo Ogis 19, 2002. Yusum wan spesel pepa blong raetemdaon ansa blong yu. Traem ansa long olgeta kwestin we yu save ansarem long taem blong miting ya.
[Not: Long taem blong lukluk bakegen ol poen blong Tiokratik Skul, yu save yusum Baebol nomo. Ol refrens we oli stap biaen long ol kwestin, yu save yusum olgeta long haos blong yu.]
Raetem “Tru” no “Giaman” biaen long ol tok ya:
1. Jeremaea 18:1-6 i soemaot se Jeova i stap pusum ol man blong oli mekem ol samting we oli no wantem mekem. [Baebol Riding Blong Wik; lukluk w99 4/1 pej 22 haf 3-4.]
2. Ol giaman profet oli tekemaot paoa mo frut blong tok blong God taem oli pulum ol man oli lesin long ol giaman tijing be i no long ol trufala woning we i kam long God. (Jer. 23:30) [Baebol Riding Blong Wik; lukluk w92 2/1 pej 4 haf 3.]
3. Long Jeremaea 25:15, 16 (NW), “kap blong waen ya we i minim kros blong mi” mo i mekem “ol nesen . . . oli kam olsem ol krangke man” i stap tokbaot samting we ol giaman skul oli stap mekem long ol man. [Baebol Riding Blong Wik; lukluk w94 3/1 pej 20 haf 13.]
4. Folem wei we Matiu i yusum profet tok blong Jeremaea, “ples blong ol enemi” i ples blong ded. Ol pikinini we King Herod i bin kilim olgeta i ded bambae oli kambak taem bambae oli girap bakegen long ded. (Jer. 31:15, 16; Mat. 2:17, 18) [Baebol Riding Blong Wik; lukluk w79 6/15 pej 19 haf 13.]
5. Jeremaea 37:21 i mekem yumi sua se Jeova i save givhan long ol man blong wok blong hem long ol hadtaem blong kasem mane gogo kasem en blong rabis fasin blong wol ya, nating sipos i luk olsem se ol trabol ya i bigwan tumas. [Baebol Riding Blong Wik; lukluk w97 9/15 pej 3 haf 4–pej 4 haf 2.]
6. Buk blong Ol Krae i soemaot bigfala sore we i kamaot taem Nebukadnesa, king blong Babilon i spolem Jerusalem long 607 B.K.T. [si pej 130 haf 1]
7. Ol Krae 5:7 i soemaot klia nomo se Jeova i stap panisim ol pikinini from sin blong papa mama blong olgeta. [Baebol Riding Blong Wik; lukluk w88 9/1 pej 27 bokis.]
8. Mak we i stap long fored blong man, we Esikel 9:4 i tokbaot, i minim se save nomo bambae i sevem wan man. [Baebol Riding Blong Wik; lukluk w88 9/15 pej 14 haf 18.]
9. Ol “man we oli olsem ol presen” we Efesas 4:8 (NW) i tokbaot oli ol elda, we tabu spirit i putumap olgeta mo we oli kasem wok ya blong lukaotgud long ol narafala Kristin long saed blong spirit. (Wok 20:28) [w00 8/1 pej 6 haf 3]
10. Long taem blong yumi, Oholiba, we i stap long Esikel japta 23, i save minim ol skul blong Protestan, mo bigfala sista blong hem, Ohola, i save minim skul blong Katolik. [Baebol Riding Blong Wik; lukluk w88 9/15 pej 21 haf 22.]
Ansa long ol kwestin ya:
11. ?Hu ya trifala nambawan profet we oli stap laef long trabol taem ya long ol yia 617 B.K.T. kasem 607 B.K.T., yia we Jerusalem i lus? [si pej 133 haf 2]
12. ?Olsem wanem yumi save soemaot trufala fasin tangkiu from ransom sakrefaes blong Jisas, blong yumi save folem tok we i stap long Luk 9:23? [w00 3/15 pej 8 haf 1]
13. ?Jeova i “trikim” Jeremaea long wanem rod? (Jer. 20:7) [Baebol Riding blong Wik; lukluk w89 5/1 pej 31 haf 6.]
14. ?Jisas i minim wanem taem hem i talem se tabu spirit “bambae i save tijim yufala long olgeta samting. Bambae hem i save mekem yufala i tingbaot olgeta samting ya bakegen, we mi mi stap talem long yufala”? (Jon 14:26) [w00 4/1 pej 8 haf 7-8]
15. ?Folem Jeremaea 35:18, 19, long taem blong yumi tede, wanem fiuja blong grup ya we i olsem ol man Rekab? [Baebol Riding Blong Wik; lukluk su pej 131 haf 7.]
16. ?Long wanem rod ol Nefilim oli ol “stronstrong man” mo ol “man we oli gat nem”? (Jen. 6:4, NW) [w00 4/15 pej 27 haf 9]
17. ?Olsem wanem Baruk i lusum stret tingting long saed blong spirit, mo yumi save lanem wanem from stori blong hem? (Jer. 45:1-5, NW) [Baebol Riding Blong Wik; lukluk w97 8/15 pej 21 haf 14-16.]
18. ?Wetaem mo olsem wanem profet tok blong Jeremaea 50:38 i kamtru? [Baebol Riding Blong Wik; lukluk dp pej 150 haf 2-3.]
19. ?Folem Ol Krae 1:15 (NW), samting we i kasem Jerusalem, we i olsem “yangfala gel blong Juda,” i pija blong wanem samting we bambae i kasem Krisendom? [Baebol Riding Blong Wik; lukluk w88 9/1 pej 27 bokis.]
20. ?Wanem mining blong tok ya long Esikel 21:26 se: “Yu tekemaot hat ya blong king i gowe long hed blong yu, mo yu tekemaot spesel kaliko ya we yu stap fasem hed blong yu long hem”? [Baebol Riding Blong Wik, lukluk w88 9/15 pej 19 haf 16.]
Raetem ol stret tok long ol emti ples:
21. Wan man we i gat tingting daon i folem ․․․․․․․․ blong gudfala ․․․․․․․․ mo hem i save se ol samting we hem i gat raet blong mekem mo i naf blong mekem, oli gat ․․․․․․․․ blong olgeta. (Maeka 6:8) [w00 3/15 pej 21 haf 1-2]
22. Nating se tabu spirit i no stap tekemaot ol ․․․․․․․․ mo ․․․․․․․․ be hem i save halpem yumi blong ․․․․․․․․ (1 Kor. 10:13; 2 Kor. 4:7) [w00 4/1 pej 11 haf 6]
23. Profet Daniel i luksave long ol tok blong Jeremaea se trabol we i kasem Jerusalem bambae i stap ․․․․․․․․ samting ya we i kamtru, i mekem bilif blong yumi i strong moa long paoa blong Jeova blong talem ․․․․․․․․ (Jer. 25:12; Dan. 9:2) [si pej 129 haf 37]
24. Buk blong Ol Krae i mas pulum ol trufala man blong wosip blong oli wantem ․․․․․․․․ mo ․․․․․․․․ mo hem i olsem wan ․․․․․․․․ woning long olgeta we oli no ona long Jeova God. [si pej 132 haf 13]
25. Taem Ebraham i stretem wan problem, eksampol blong hem blong lego samting we hem nomo i wantem i tijim yumi blong no letem ․․․․․․․․ no ․․․․․․․․ i spolem gudfala fasin fren blong yumi wetem ol brata blong yumi. (Jen. 13:5-12) [w00 8/15 pej 24 haf 3-4]
Putum wan mak aninit long ol stret tok:
26. Job i tinghae long (save; fasin sore; jajmen) blong Jeova, taswe hem i (kasem save; soem sore; mekem i stret) long ol slef blong hem. (Job 31:13, 14) [w00 3/15 pej 26 haf 1]
27. Long Jeremaea 16:2-4, profet ya i kasem oda blong no mared (blong hem i soem fasin blong lego samting we hem nomo i wantem; blong stap olsem pija blong Mesaea we i no mared; blong soemaot se tok blong God long saed blong trabol we bambae i kasem Jerusalem i mas kamtru). [Baebol Riding Blong Wik; lukluk w78 4/15 pej 31 haf 2.]
28. Fasin waes we Ol Proveb 4:7 i tokbaot i minim (se man i gat plante save; se man i lukluk olsem wanem ol save ya i joen tugeta; se man i mekem save mo ol strong samting we hem i kasem mining blong olgeta, i wok long laef blong hem). [w00 5/15 pej 21 haf 1]
29. I no gat wan man i save stret wei blong talem nem blong God long faswan lanwis Hibru, from we taem oli raetem Baebol long lanwis ya, oli yusum ol (leta olsem a, e, i, o, u, nomo; ol narafala leta nomo). [rs pej 195 haf 1]
30. Kat blong God we Esikel japta 1 i tokbaot i pija blong (Kingdom blong God we Mesaea i rul long hem; ol enjel blong Jeova we oli olsem ogenaesesen blong hem long heven; fasin blong Jeova blong toktok wetem ol tabu Kristin we oli stap yet long wol). [Baebol Riding Blong Wik; lukluk w88 9/15 pej 11 haf 5.]
Joenem ol tok ya wetem ol vas ya:
Dut. 7:25, 26; Prov. 4:18; 5:21; Jer. 46:28; Rom 15:4
31. Loa ya i soemaot wanem we ol man blong Jeova oli mas mekem long eni pija we bifo oli stap wosip long hem. [rs pej 186 haf 3]
32. Wan rod we Jeova i yusum blong mekem tingting blong man i haremgud, hemia ol tok blong hem long Baebol, we i givim promes blong wan nambawan fiuja. [w00 4/15 pej 5 haf 4]
33. Fasin stretem we ol papa mama oli givim long ol pikinini i no mas strong tumas, mo i no mas bitim mak ya blong stretem mo tijim pikinini. [Baebol Riding Blong Wik; lukluk kl pej 148 haf 20.]
34. From we Jeova i stap givhan long ol man blong hem sloslou blong oli kasem save long ol tingting blong hem, plante taem i nidim we yumi stretem no jenisim tingting blong yumi. [rs pej 205 haf 4]
35. Enikaen doti fasin long saed blong seks i no save haed long ae blong God, nating sipos ol narafala man oli no luk. [w00 7/15 pej 31 haf 3]