Advaes

◼ Ol buk we yumi seremaot long manis Februari: Revelesen—Kolosap i Kasem Nambawan En Blong Hem! Maj: Save buk, mo bambae yumi traem statem ol Baebol stadi. Eprel Mo Mei: Soemaot ol Wajtaoa mo Wekap! magasin. Taem yumi mekem visit long man we i bin soem intres, i gud blong traem givim buklet ya ?Wanem Samting We God i Wantem Yumi Blong Mekem? long olgeta. Olgeta we yumi visitim, maet hemia olgeta we oli bin kam long Memoriol no narafala spesel miting, be oli no stap joen plante wetem kongregesen. Traehad blong statem Baebol stadi wetem olgeta ya.

◼ Presiden elda, no wan we hem i jusumaot, i mas jekem ol kaon blong kongregesen long Maj 1 no kwiktaem afta long dei ya. Taem wok ya i finis, talemaot long kongregesen afta we yufala i ridimaot nekis ripot blong ol kaon. Sipos yufala i kasem wan leta we i talem tangkiu from ol presen mane we kongregesen i givim blong sapotem wok long fulwol, i gud blong ridimaot leta ya.

◼ Sekretari mo elda we i lukaot long wok blong prij, tufala i mas lukluk long wok blong ol fultaem paenia. Sipos sam long olgeta oli faenem se i hadwok blong kasem ol aoa, ol elda oli mas mekem plan blong givhan long olgeta. Blong kasem advaes long saed ya, lukluk ol leta blong Sosaeti (S-201). Mo tu, lukluk pepa we i stap insaed long Kingdom Wok blong Ogis 1986, haf 12 kasem 20.

◼ Nem blong spesel pablik tok we bambae i kamaot long taem blong Memoriol 2003, hemia “?Stret Taem i Kam Finis Blong Jajem Bigfala Babilon?” Lukluk ol advaes long saed ya, we oli stap long Kingdom Wok Blong Yumi blong Septemba 2002.

◼ From we naoia yumi wanwan i no moa kasem sabskripsen blong Wajtaoa mo Wekap!, i impoten we ol kongregesen oli givimaot kwiktaem ol niufala Wajtaoa mo Wekap! taem oli kamaot. Long rod ya, ol pablisa bambae oli save kasem prapa kopi blong olgeta mo bambae oli gat taem blong ridim bifo we oli seremaot long wok blong prij.