Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik blong Eprel 28, 2003. Brata we i lukaot long skul bambae i mekem haf ya blong 30 menet. Bambae yumi lukluk bakegen long ol samting we yumi bin tokbaot, stat long Maj 3 go kasem Eprel 28, 2003. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk Ministry School buk pej 36-37.]
FASIN BLONG TOKTOK
1. ?Wanem i save mekem se man i no toktok isi? [be pej 93]
2. Tru No Giaman: Taem yu rid no taem yu givim wan tok, i nogud blong spel smol from we samting ya i save mekem tingting blong man i flae olbaot, mo i givim janis long man blong i katem toktok blong yu. Plis eksplenem.
3. ?From wanem wan brata we i givim tok no wan we i rid long fored blong plante man i mas soemaot ol impoten poen? (Neh. 8:8) [be pej 101]
4. ?Olsem wanem blong kam moa gud long fasin blong soemaot ol impoten poen? [be pej 102 mo 103]
5. ?Wanem ol bigfala tingting we yu mas mekem oli kliagud taem yu ridim wan buk wetem bigfala voes long wan Baebol stadi no long wan miting blong kongregesen? [be pej 105]
TOK N. 1
6. ?Papa mama i save mekem wanem blong trenem ol pikinini ‘blong oli save harem mo lanem’ samting long ol Kristin miting? (Dut. 31:12) [be pej 16]
7. ?Wanem ya paradaes long saed blong spirit? [w01 3/1 pej 8-10]
8. ?Olsem wanem Ol Proveb 8:1-3 i soem se olgeta man i save kasem waes we i kamaot long God, mo folem Kolosi 2:3, weples nao oli save faenem waes ya? [w01 3/15 pej 25 mo 28]
9. ?Olsem wanem blong talemaot nem blong God? (Jon 17:6) [be pej 273-275]
10. ?Wanem ol impoten samting we ol man oli mas save long saed blong “gud nius blong Kingdom”? (Mat. 24:14, NW) [be pej 279-280]
BAEBOL RIDING BLONG WIK
11. (a) ?Long faswan handred yia, wanem ya “rabis god blong ol hiten man” we Mak 13:14 i tokbaot? (b) ?Tok ya “oli go stanemap rabis god ya long ples we oli no gat raet blong putum long hem” i minim wanem?
12. ?Olsem wanem Gospel blong Luk i talem klia se Jisas hem i stret famle blong Deved we i mas kam king? (Luk 3:23-38) [w92 10/1 pej 9 haf 3]
13. ?Wanem mining blong tok blong Jisas we i stap long Luk 12:2?
14. ?Long pijatok ya blong Jisas we i tokbaot wan woman we i lusum wan silva mane, from wanem fasin blong ol enjel i nambawan? (Luk 15:10) ?Olsem wanem yumi save folem eksampol blong olgeta?
15. ?Wanem tufala kontrak we Jisas i tokbaot long Luk 22:29 (NW)?