Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik blong Ogis 25, 2003. Brata we i lukaot long skul bambae i mekem haf ya blong 30-menet. Bambae yumi lukluk bakegen long ol samting we yumi bin tokbaot, stat long Julae 7 go kasem Ogis 25, 2003. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk Ministry School buk pej 36-37.]
FASIN BLONG TOKTOK
1. ?Wanem gudfala frut i kamaot taem yumi lukluk stret long ae blong man we yumi prij long hem? [be pej 125 haf 1-2; pej 125 bokis]
2. ?Sipos yu fraet bifo we yu go prij, wanem i save givhan long yu? [be pej 128 haf 4-5]
3. ?Taem yu givim wan tok antap long platfom, wanem bambae i givhan long yu blong toktok long fasin we i isi mo i olsem storian nomo? [be pej 129 haf 2; pej 129 bokis]
4. ?Wanem ol rul long Levitikas 16:4, 24, 26, 28; Jon 13:10; mo Revelesen 19:8 we yumi save folem long saed blong klos, hea, mo fasin klin long bodi, mo from wanem samting ya i impoten? [be pej 131 haf 3; pej 131 bokis]
5. ?Man we i no bitim mak long ol fasin blong hem mo we “tingting blong hem i klia gud,” hem i olsem wanem? (1 Tim. 2:9, 10, NW ) [be pej 132 haf 1]
TOK N. 1
6. I tru se ol Kristin oli mas gat longfala tingting long ol brata blong olgeta we oli gat sam slak fasin. ?Be oli no save agri long wanem? (Kol. 3:13) [w01 7/15 pej 22 haf 7-8]
7. Tru no Giaman: Wan namba we i ordinal, hem i enikaen namba nomo. Eksplenem. [si pej 282 haf 24 mo 25]
8. ?Wanem nao nambawan fasin we i mas pulum yumi blong ridim Tok blong God, mo from wanem i impoten blong gat fasin ya? [be pej 24 haf 1]
9. ?Olsem wanem wan man we i waes i “stap lukaot olgeta save we hem i save kasem”? (Prov. 10:14) [w01 7/15 pej 27 haf 4-5]
10. ?From wanem i gud blong makem ol gudfala fasin blong Job? (Job 1:1, 8; 2:3) [w01 8/1 pej 20 haf 4]
BAEBOL RIDING BLONG WIK
11. ?Olgeta memba blong hed kampani oli mekem olsem wanem blong evriwan oli “agri” se ol man we oli no laen blong Isrel oli no nid blong sakomsaes blong God i sevem olgeta? (Wok 15:25)
12. ?From wanem hed kampani i talem long Pol blong mekem sam samting folem Loa blong Moses, afta we Jeova i mekem i klia finis se oli no moa stap aninit long Loa ya? (Wok 21:20-26) [it-1 pej 481 haf 3; it-2 pej 1163 haf 6–pej 1164 haf 1]
13. ?Wanem sam giaman toktok we oli putum agensem aposol Pol we i mekem yumi tingbaot sam toktok we oli talem agensem ol Witnes blong Jeova long taem blong yumi? (Wok 24:5, 6) [w01 12/15 pej 22 haf 7–pej 23 haf 2]
14. ?Wanem gudfala eksampol we Pol i givim blong talemaot Kingdom, taem hem i stap kalabus blong tu yia long wan haos? (Wok 28:30, 31)
15. ?Olsem wanem “gavman” i olsem wan “fasin we God i stanemap,” mo from samting ya, ol Kristin oli mas mekem wanem? (Rom 13:1, 2) [w00 8/1 pej 4 haf 5]