Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik blong Oktoba 27, 2003. Brata we i lukaot long skul, bambae i mekem haf ya blong 30 menet. Bambae yumi lukluk bakegen long ol samting we yumi bin tokbaot, stat long Septemba 1 go kasem Oktoba 27, 2003. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Wanem mining blong advaes long 1 Timoti 2:9 se yumi mas putum klos “we i stret nomo,” mo samting ya i save mekem wanem long ol tok we yumi givim long platfom mo long wok blong prij? [be pej 132 haf 4-5]
2. ?Olsem wanem ol rul blong Baebol long 1 Jon 2:15-17, Efesas 2:2, mo Rom 15:3 oli save gat paoa long yumi long saed blong klos mo hea? [be pej 133 haf 2-4]
3. ?From wanem i impoten blong stanap stret mo no fraet blong toktok, mo olsem wanem yumi save mekem olsem taem yumi givim wan tok long platfom no long wok blong prij? [be pej 135 bokis; pej 136 haf 5, bokis]
4. ?“Witnes blong God we i tru,” Jisas, i givim wanem eksampol we yumi save folem blong yusum Baebol long wok blong prij? (Rev. 3:14, Nyutesteman Long Bislama) [be pej 143 haf 2-3]
5. ?Olsem wanem yumi save kamgud moa blong yusum Baebol? (Taet. 1:9) [be pej 144 haf 1, bokis]
TOK N. 1
6. ?Blong stadi, yumi mas mekem wanem, mo olsem wanem fasin blong stadi oltaem long Baebol i save givhan long yumi? [be pej 27 haf 3; pej 32 haf 4]
7. ?Folem Jemes 1:5, 6, yumi mas mekem wanem taem yumi gat wan bigfala disisen blong mekem? [w01 9/1 pej 28 haf 4]
8. ?Wanem ol det we oli kolem pivotal long Inglis no pivot long Franis, mo from wanem oli impoten? [si pej 282 haf 27]
9. ?Olsem wanem man i no gat hed sipos i “stap go talem ol tok olbaot we i spolem nem blong narafala man”? (Prov. 10:18) [w01 9/15 pej 25 haf 3]
10. ?Long niufala wol, olsem wanem ol man bambae oli kasem save moa long tingting blong Jeova long saed blong taem? [si pej 283 haf 32]
BAEBOL RIDING BLONG WIK
11. Tru no Giaman: Long 1 Korin 2:9, aposol Pol i stap tokbaot ol samting we Jeova i mekemrere finis blong givim long ol man we oli holemstrong long hem. Eksplenem. [ip-2 pej 366 bokis]
12. ?Wanem ol samting we i save traem yumi we 1 Korin 10:13 i stap tokbaot, mo olsem wanem Jeova i “mekem rod blong yumi, blong yumi winim samting ya”? [w91 10/1 pej 10-11 haf 11-14]
13. ?Fasin blong Jisas blong givim presen long narafala i mas mekem wanem long ol Kristin? (2 Kor. 8:9) [w92 1/15 pej 16 haf 10]
14. ?Olsem wanem Loa i olsem ‘man we i lukaot long pikinini blong mekem hem i folemgud ol rul blong masta blong hem’? (Gal. 3:24) [w02 6/1 pej 15 haf 11]
15. ?Wanem ‘ol tok ya we i blong giaman nomo, i stap kamaot long ol devel we oli stap olbaot long wol ya’ we yumi mas lukaot se i no lidim yumi i go krangke? (Kol. 2:8)