Advaes

◼ Buk we yumi seremaot long Disemba Mo Jenuware: Man We i Hae Moa Long Olgeta Man. Sipos yu no yusum buk ya, yu save seremaot My Book of Bible Stories. Februari: Revelesen​—Kolosap i Kasem Nambawan En Blong Hem! Maj: Save Blong Lidim Yu Long Laef We i No Save Finis. Bambae yumi traehad blong statem ol niufala Baebol stadi. Sipos man blong haos i gat buk ya finis, yu save soem buk ya Man We i Hae Moa Long Olgeta Man.

◼ Mifala i talem bakegen long ol brata we oli lukaot long ol kaon blong kongregesen se, oli mas sanem presen mane we i stap long bokis blong Wok Blong Prij Long Fulwol, i kam long mifala evri manis. Oli no mas yusum mane ya blong pembak lon blong Haos Kingdom, no blong pem ol narafala kaon blong kongregesen.

◼ Klosap nao bambae mifala i sanem ol pepa blong singaot ol man oli kam long Memoriol long yia 2004. Bambae mifala i sanem olgeta long Bislama nomo, be sipos yufala i wantem pepa ya long narafala lanwis tu, yufala i mas oda kwiktaem long Oda Blong Ol Buk (S-14). Wan lis blong olgeta lanwis we pepa blong Memoriol i stap long hem, bambae i stap long “Mesej We i Go Long Ol Kongregesen” we mifala i stap sanemaot evri manis. Plis oda long ol lanwis ya nomo we yufala i nidim long ples blong yufala.