Advaes
◼ Buk we yumi seremaot long manis Jenuware: Man We i Hae Moa Long Olgeta Man. Wan narafala buk we yumi save seremaot tu hemia My Book of Bible Stories. Februari: Revelesen—Kolosap i Kasem Nambawan En Blong Hem! Maj: Save Blong Lidim Yu Long Laef We i No Save Finis. Bambae yumi traehad blong statem sam Baebol stadi. Sipos ol man oli gat buk ya finis, yumi save serem Man We i Hae Moa Long Olgeta Man. Eprel: Yumi seremaot Wajtaoa mo Wekap! Taem yumi visitim man we i intres, yumi no mas fogetem olgeta ya tu we maet oli no Witnes blong Jeova be oli stap kam oltaem long Memoriol mo long ol narafala spesel miting blong yumi. Traem seremaot Wosip buk. Bambae yumi traem bes blong yumi blong statem sam Baebol stadi wetem buk ya, antap moa sipos man i bin stadi finis long Save buk mo buklet Wanem.
◼ Stat long Februari, i no mas stat afta long Maj 7, ol seket elda bambae oli givim niufala pablik tok ya “?Yu Yu Tinghae Long Ol Samting We Oli Impoten Long Tingting Blong Hu?”
◼ Memoriol long yia ya, hemia long Sande, Eprel 4, afta we san i godaon. Ol kongregesen oli mas mekem ol stret plan from. Tok i save stat bifo we san i godaon, be yumi mas pasem bred mo waen afta we san i godaon. Faenemaot wanem taem stret we san i godaon long ples blong yufala. From we i no gat narafala miting long dei ya, maet i gat miting blong prij nomo, i gud blong seftem Wajtaoa Stadi i go long wan narafala taem. Seket elda i mas jenisim program blong ol miting blong hem mo mekem i stret long ples we hem i stap wok long hem long wik ya. I moagud sipos ol wanwan kongregesen oli gat prapa Memoriol blong olgeta, be maet samtaem i no gat rod blong mekem olsem. Sipos plante kongregesen oli stap yusum semfala Haos Kingdom, maet sam long ol kongregesen ya i save faenem wan narafala ples blong mekem Memoriol. Taem tu kongregesen i mekem Memoriol long semfala Haos Kingdom, i moagud se i gat 40 menet bitwin long tufala Memoriol ya, blong givim taem long evriwan blong storiangud mo haremgud tugeta. Yumi mas tingbaot tu, ol trak we bambae oli kam, mo ples blong putum ol trak, mo olsem wanem blong lego mo pikimap ol pasenja. Ol elda oli mas tekem disisen se wanem plan nao i moagud blong folem long ples blong yufala.