Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Jun 28, 2004. Brata we i lukaot long skul bambae i mekem haf ya blong 30 menet. Bambae yumi lukluk bakegen long ol samting we yumi bin tokbaot, stat long Mei 3 kasem Jun 28, 2004. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Wanem ol samting we oli save mekem se yumi no gat fasin blong storian gud mo yumi tok long fasin we i no rili fasin blong yumi, taem yumi givim tok long platfom? [be pej 179 haf 4]
2. ?Blong mekem voes blong yumi i kamgud moa, from wanem i no naf blong pulumgud win mo slakem ol masel we oli taet? [be pej 181 haf 2]
3. ?Wanem sam samting we yumi save mekem blong ‘gat sem fasin we ol defdefren kaen man oli gat,’ taem yumi serem trutok blong Baebol wetem ol narafala? (1 Kor. 9:20-23) [be pej 186 haf 2-4]
4. ?Olsem wanem yumi save lesingud long ol man taem yumi prij long olgeta? [be pej 187]
5. ?From wanem i impoten blong soem respek long ol man we yumi prij long olgeta? [be pej 190]
TOK N. 1
6. ?Ol man we oli tijim narafala long tok blong God oli mas traehad blong kasem wanem mak long wok blong olgeta, mo wanem samting we bambae i halpem olgeta blong kasem mak ya? (Mat. 5:16; Jon 7:16-18) [be pej 56 haf 3–pej 57 haf 2]
7. ?Taem yumi stap tijim ol man, from wanem i gud blong yusum eksampol blong tu samting we tufala i defdefren, mo olsem wanem Jisas i yusum fasin ya blong tij? [be pej 57 haf 3; pej 58 haf 2]
8. ?Olsem wanem tijing blong Jisas we i tajem hat blong ol man i defren long tijing blong ol Farisi? [be pej 59 haf 2-3]
9. ?Olsem wanem blong halpem ol man we yumi tijim olgeta blong oli folem samting we oli stap lanem, be yumi no mekem ol disisen blong olgeta? [be pej 60 haf 1-3]
10. ?Taem narafala i askem yumi blong givhan long hem blong tekem disisen long wan samting we i prapa bisnes blong hem nomo, yumi mas mekem wanem? [be pej 69 haf 4-5]
BAEBOL RIDING BLONG WIK
11. ?From wanem Moses i mas folemgud ‘plan blong Haos Tapolen wetem olgeta samting we i stap insaed long hem’? (Eks. 25:9) [it-2 pej 1058 haf 7]
12. ?Yumi lanem wanem from ansa we Eron i givim long Moses taem hem i wokem pija blong pikinini buluk long gol? (Eks. 32:24)
13. ?Yumi lanem wanem from fasin blong bilif blong ol man Isrel we i lidim olgeta blong obei long tok blong Jeova long Eksodas 34:23, 24?
14. ?From wanem ol man Isrel oli mekem sakrefaes ya we oli bonem haf oli kakae haf? (Lev. 3:1)
15. ?Olsem wanem fasin we oli mekem blong putumap Eron, we Levitikas 8:23 i tokbaot, i wan pija we i stret long Jisas? [it-2 pej 1113 haf 4; w68 pej 399 haf 24]