Leta Blong Branj Ofis

Long Ol Gudfala Pablisa Blong Kingdom:

Oli jes mekem sam bigfala jenis long ples blong prentem ol buk, hemia long Wallkill. Oli setemap tu niu mesin we naoia oli stat yusum finis. Wan mesin nomo i save prentem klosap 90,000 magasin long wan aoa mo oli putum ol mesin ya long semtaem wetem wan narafala niu mesin we i save prentem 120 kava blong buk long 1 menet. From we oli seftem ples blong prentem ol buk i go evriwan long Wallkill, ale, oli salem narafala bilding ya we i stap long 360 Furman Street long Brooklyn. Naoia ol brata oli bisi blong fiksimap gud bilding we i stap long 117 Adams Street blong i save karem ol nara Dipatmen we oli bin stap long bilding blong 360 Furman Street.

Ol 300 brata sista we oli bin wok blong prentem ol buk long Brooklyn bambae oli go wok long niufala ples blong prentem ol buk hemia long Wallkill. Antap long hemia, i gat klosap 100 volontia we oli lukaot long ol kompiuta mo ol program blong kompiuta we branj i nidim mo naoia oli go stap long Brooklyn. Ples ya nao hem i stamba ples we i lukaot long ol kompiuta we oli kolem Infomesen Sistem Dipatmen.

Taem blong Memoriol i wan taem we yumi wok strong long ol teritori blong yumi long Niukaledoni, Vanuatu mo Walis mo Futuna. Long manis Maj i gat 274 haftaem paenia, mo wan niu namba blong 7,905 man we oli kam long Memoriol.

Mifala i glad blong joen wetem yufala blong ‘wok strong long ol wok blong masta,’ long niufala sevis yia ya 2005.​—1 Kor. 15:58.

Ol brata blong yufala,

Branj Ofis blong Niukaledoni