Advaes

◼ Buk we yumi seremaot long Novemba 1-14: Spesel wok blong seremaot buklet ya Keep on the Watch! Novemba 15-30: Man We i Hae Moa Long Olgeta Man. Sipos no, yumi save soemaot buklet ya Wanem. Taem yumi yusum buklet ya, yumi mas traehad blong statem Baebol stadi. Disemba: Man We i Hae Moa Long Olgeta Man. Narafala buk tu we maet yumi save seremaot, hemia My Book of Bible Stories. Jenuware: My Book of Bible Stories. Sipos no, yu save seremaot buk ya Learn From The Great Teacher (Franis mo Inglis). Sipos sam man oli talem se oli no gat pikinini, soemaot buklet ya Wanem. Traehad blong yusum buklet blong statem Baebol stadi.

◼ Presiden elda, no wan we hem i jusumaot, i mas jekem ol kaon blong kongregesen long Disemba 1 no kwiktaem afta long dei ya. Sipos kongregesen i gat wan akaon long bang, maet blong pem ol samting blong riperem no bildim haos Kingdom, oli mas jekem akaon ya tu. Taem wok ya i finis, talemaot long kongregesen afta we yufala i ridimaot nekis ripot blong ol kaon.

◼ Long nekis oda blong ol buk, ol kongregesen oli save oda long ol baon volium blong Wajtaoa mo Wekap! blong yia 2004. Yufala i save kasem ol baon volium ya long Franis mo Inglis. Go kasem taem we ol buk ya oli rere mo mifala i sanem olgeta oli kam, bambae mifala i raetem “Pending” long pepa we mifala i sanem wetem ol buk. Ol baon volium oli spesel oda.

◼ Hem i impoten blong Sosaeti i gat ol niufala adres mo telefon namba blong ol presiden elda mo sekretari. Sipos i gat wan jenis, Sevis Komiti i mas fulumap fom ya Presiding Overseer/Secretary Change of Address (S-29), oli mas saenem, mo sanem i kam long Sosaeti kwiktaem.