Advaes

◼ Ol buk we yumi seremaot long manis Disemba: Man We i Hae Moa Long Olgeta Man. Sipos no, yumi save yusum My Book of Bible Stories. Jenuware: My Book of Bible Stories. Sipos no, yu save seremaot buk ya Learn From The Great Teacher. Sipos man i no gat pikinini, yu save givim buklet ya Wanem long hem. Traehad blong yusum buklet ya blong statem ol Baebol stadi. Februari: Revelesen​—Kolosap i Kasem Nambawan En Blong Hem! Maj: Save Blong Lidim Yu Long Laef We i No Save Finis. Bambae yumi traehad blong statem ol Baebol stadi.

◼ Ol faswan haf long Wekap! blong Jenuware 22, 2005 (Franis/Inglis) we i karem nem ya se “Understanding Your Doctor” (“Savegud Dokta Blong Yu”), oli blong givhan long ol man blong oli kasem save moa long ol tingting mo wok blong dokta blong olgeta. Be, bambae ol dokta tu oli intres long ol haf ya from we oli tokbaot from wanem ol tok blong Baebol we i givim hop, i bin pulum tingting blong sam dokta. Maet yu wantem oda long sam moa kopi blong Wekap! ya mo mekem wan spesel traehad blong givim wan long dokta blong yu mo long ol narafala man we oli wok long saed blong helt. Ol kongregesen oli mas talemaot kwiktaem long branj ofis sipos oli wantem sam moa kopi blong Wekap! ya.

◼ Klosap nao bambae mifala i sanem ol pepa blong singaot ol man oli kam long Memoriol blong yia 2005. Bambae mifala i sanem olgeta long Bislama nomo, be sipos yufala i wantem pepa ya long ol narafala lanwis tu, yufala i mas oda kwiktaem long Oda Blong Ol Buk (S-14). Wan lis blong olgeta lanwis we pepa blong Memoriol i stap long hem, bambae i stap long “Mesej We i Go Long Olgeta Kongregesen,” we mifala i stap sanemaot evri manis. Plis oda long ol lanwis ya nomo we yufala i nidim long ples blong yufala.

◼ Memoriol i impoten tumas, taswe ol elda oli mas jusum wan long olgeta we i naf gud blong mekem tok ya, i bitim we wanwan long olgeta oli tekem taem blong olgeta no oli jusum sem brata oltaem. Sipos i gat wan elda we tabu spirit i makemaot hem mo hem i naf blong mekem tok ya, oli mas jusum hem.