Advaes

◼ Ol buk we yumi seremaot long manis Maj: Save buk, mo traehad blong statem Baebol stadi. Epril Mo Mei: Seremaot ol Wajtaoa mo Wekap! magasin. Taem yumi gobak blong luk olgeta we oli intres, wetem olgeta ya tu we oli no joen oltaem long kongregesen be oli bin kam long Memoriol mo ol narafala spesel miting, yumi mas traehad blong seremaot buk ya Wosipim God. Mak blong yumi i blong statem ol Baebol stadi, antap moa wetem olgeta we oli bin stadi finis long Save buk mo long buklet Wanem. Jun: Man We i Hae Moa Long Olgeta Man. Sipos no, yumi save yusum buklet Wanem. Taem yumi yusum buklet, yumi mas traehad blong statem Baebol stadi.

◼ Kongregesen i mas givimaot kwiktaem ol niufala Wajtaoa mo Wekap! Long rod ya, ol pablisa bambae oli gat taem blong ridim ol magasin ya bifo we oli seremaot long wok blong prij. Oli mas givimaot kwiktaem ol niufala Kingdom Wok Blong Yumi tu long ol pablisa. Oli save givimaot olgeta long taem blong Buk Stadi blong kongregesen.

◼ Sipos samfala oli plan blong mekem trip i go long narafala kantri, mo oli wantem joen long ol miting blong kongregesen, asembli, no distrik asembli long kantri ya, oli mas askem long branj ofis we i lukaot long kantri ya wanem nao stret dei, taem, mo ples blong ol miting ya. Ol adres blong ol branj ofis i stap long laswan pej blong Yearbook.

◼ Sekretari blong kongregesen i mas meksua se i gat plante long ol pepa ya: Pepa Blong Mekem Wok Blong Fultaem Paenia (S-205) mo Pepa Blong Mekem Wok Blong Haftaem Paenia (S-205b). Yumi save sanem oda blong olgeta long pepa ya Mifala i Odarem Ol Buk Ya (S-14). I gud blong holem naf blong wan yia.

◼ Memoriol bambae i stap long Tasde, Maj 24, 2005. Sipos kongregesen blong yufala i holem miting long evri Tasde, yufala i mas jenisim miting ya i go long wan narafala dei blong wik sipos Haos Kingdom blong yufala i fri. Sipos Haos Kingdom i no fri nao i no gat rod blong mekem Miting Blong Kingdom Wok, yufala i mas jusum ol haf we oli rili laenap wetem kongregesen blong yufala, mo mekem ol haf ya long wan narafala Miting Blong Kingdom Wok.

◼ Sam pablisa oli ring long branj ofis blong askem long saed blong ol kaset mo CD blong ol singsing blong Kingdom we samfala oli rekodem mo oli givimaot i go long ol narafala Witnes. Long ol kaset mo CD ya, oli yusum ol stael blong wol blong plei mo singsing ol singsing blong Kingdom. Ol pablisa ya oli wantem save sipos ogenaesesen blong Jeova i agri long fasin ya. Mifala i save long saed blong ol kaset mo CD ya mo mifala i wantem talem long yufala se mifala i no agri long samting ya. Plis yufala i no mas givimaot ol kaset mo CD olsem i goraon long ol narafala mo yufala i no mas rekodem olgeta tru long Intenet. Mifala i hop se toksave ya i kliarem kwestin ya.