Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Jun 27, 2005. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Mei 2 kasem Jun 27, 2005. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?From wanem ol pijatok mo ol eksampol blong ol narafala samting oli gudfala rod blong tij? (Jen. 22:17; Sam 1:3; Jem. 3:6) [be pej 240 haf 2-4, bokis]
2. ?Weples yumi save faenem ol eksampol we oli save givhan long yumi blong tijim ol impoten poen, be yumi mas lukaotgud long wanem samting? [be pej 242 haf 1-2]
3. ?Sipos yumi wantem jusum ol gudfala pijatok, yumi mas tingbaot wanem? [be pej 244 haf 1-2]
4. ?Taem yumi tij, from wanem yumi mas yusum ol pija, map, mo ol narafala samting we man i save luk, mo olsem wanem Jeova i bin mekem olsem? [be pej 247 haf 1-2, bokis]
5. ?Long wok blong prij, olsem wanem yumi save yusum ol samting we ol man oli save luk? [be pej 248 haf 1–pej 249 haf 2]
TOK N. 1
6. ?Baebol i givim wanem advaes long saed blong edukesen blong ol pikinini? [w03 3/15 pej 12 haf 2; pej 14 haf 3]
7. ?Taem Deved i yangfala, olsem wanem Jeova i intres long hem, mo olsem wanem Deved i soemaot se hem i intres long Jeova? [w03 4/15 pej 29 haf 4; pej 30 haf 3]
8. ?From wanem Jeova i glad long sakrefaes blong Ebel, mo samting ya i mekem yumi sua long wanem? (Jen. 4:4) [w03 5/1 pej 28 haf 4–pej 29 haf 1]
9. ?Wanem fasin ya blong ‘Hae God blong stretem yumi’ we Ol Proveb 3:11 i talem se yumi no mas sakemaot? [w03 10/1 pej 20 haf 2-4]
10. ?Wanem mining blong tok ya “yumi haremgud long samting we yumi gat” we 1 Timoti 6:6-8 i yusum? [w03 6/1 pej 9 haf 1-2; pej 10 haf 1]
BAEBOL RIDING BLONG WIK
11. ?Strong lav we i mekem Jonatan mo Deved tufala i joengud, i pija blong wanem samting? (2 Saml. 1:26) [w89 1/1 pej 26 haf 13, Franis mo Inglis]
12. Fastaem we Deved i bin traem blong tekem bokis blong kontrak blong Hae God i go long Jerusalem, trabol i kamaot. ?Yumi lanem wanem? (2 Saml. 6:2-9)
13. Dutronome 24:16 mo Esikel 18:20 i talem se wan pikinini boe i no mas ded from rong blong papa blong hem. ?Be taem Deved mo Batseba tufala i mekem sin, from wanem pikinini boe blong tufala i mas ded? (2 Saml. 12:14; 22:31)
14. ?Olsem wanem yumi save se tok we Jiba i talem long saed blong Mefiboset i giaman nomo? (2 Saml. 16:1-4)
15. ?Olsem wanem Mefiboset i soemaot gudfala eksampol long yumi long bisnes blong hem wetem Jiba? (2 Saml. 19:24-30)